កម្លាំងនគរបាលខណ្ឌដូនពេញ ឃាត់ខ្លួនជនសង្ស័យ២នាក់ ពាក់ព័ន្ធករណីកាន់កាប់អាវុធដោយគ្មានការអនុញ្ញាត
11-December-2018 | ដោយ ពលមនសិការ
ភ្នំពេញ៖ កម្លាំងនគរបាលខណ្ឌដូនពេញ ឃាត់ខ្លួនជនសង្ស័យ២នាក់ ពាក់ព័ន្ធករណីកាន់កាប់អាវុធដោយគ្មានការអនុញ្ញាត(ដាវ) កាលពីថ្ងៃទី១០ ខែធ្នូ ឆ្នាំ២០១៨ វេលាម៉ោង២០និង៣០នាទី នៅចំណុច ផ្លូវ ព្រះស៊ីសុវត្តិ កែងផ្លូវលេខ១០៤ ភូមិទី៨ សង្កាត់វត្តភ្នំ ខណ្ឌដូនពេញ រាជធានីភ្នំពេញ។
លោកវរសេនីយ៍ឯក ទៀង ច័ន្ទសារ អធិការនគរបាលខណ្ឌដូនពេញបានឲ្យដឹងថាជនសង្ស័យទី១-ឈ្មោះ សែម សារី ភេទប្រុស អាយុ២២ឆ្នាំ ជនជាតិខ្មែរ មុខរបរកម្មកររោងចក្រក្រុមហ៊ុនផលិតក្តាកុងប្លាកេ ស្នាក់នៅក្នុងក្រុមហ៊ុនផ្លូវជាតិលេខ៦A សង្កាត់ព្រែកលាភ ខណ្ឌជ្រោយចង្វារ រាជធានីភ្នំពេញ ទី២-ឈ្មោះ សុខ ប៉េង ភេទប្រុស អាយុ១៨ឆ្នាំ ជនជាតិខ្មែរ មុខរបរកម្មកររោងចក្រក្រុមហ៊ុនផលិតក្តាកុងប្លាកេ ស្នាក់នៅក្នុងក្រុមហ៊ុន ផ្លូវជាតិលេខ៦A សង្កាត់ព្រែកលាភខណ្ឌជ្រោយចង្វារ រាជធានីភ្នំពេញ។ វត្ថុតាងចាប់យកៈមានដាវចំនួន០១ និងម៉ូតូមួយគ្រឿងម៉ាកNEX ពណ៌ក្រហម ពាក់ស្លាកលេខ តាកែវ1O-8986។
លោកអធិការបន្តថា កាលពីថ្ងៃទី១០ ខែធ្នូ ឆ្នាំ២០១៨ វេលាម៉ោង២០និង៣០នាទី កម្លាំងល្បាតរបស់ផ្នែកយុត្តិធម៌សហការជាមួយកម្លាំងប៉ុស្តិ៍នគរបាលរដ្ឋបាលវត្តភ្នំ ល្បាតតាមដងផ្លូវរហូតដល់ចំណុចផ្លូវព្រះស៊ីសុវត្តិ កែងផ្លូវលេខ១០៤សង្កាត់វត្តភ្នំ ខណ្ឌដូនពេញ បានឃើញជនសង្ស័យចំនួន០២នាក់ ជិះម៉ូតូមួយគ្រឿងតាមផ្លូវព្រះស៊ីសុវត្តិ ពីទិសខាងត្បូងមកទិសខាងជើងដោយមានការសង្ស័យកម្លាំងយើងបានហៅអោយឈប់ ត្រួតពិនិត្យរកឃើញដាវចំនួន០១ដាក់នៅក្រោមកែប ម៉ូតូម៉ាកNEX ពណ៌ក្រហម ហើយកម្លាំងយើងក៏ឃាត់ខ្លួនជនសង្ស័យទាំង០២នាក់ រួមជាមួយវត្ថុតាងដាវយកមកអធិការដ្ឋាននគរបាលខណ្ឌដូនពេញ។
បច្ចុប្បន្នកម្លាំងជំនាញកំពុង ប្រើប្រាស់វិធានការសួរចម្លើយរកបក្ខពួក និងសកម្មភាពបានប្រព្រឹត្តកន្លងមកនិងកសាងសំនុំរឿងតាមនិតិវិធីដើម្បីបញ្ជូនជនសង្ស័យទៅសាលាដំបូងរាជធានីភ្នំពេញផ្តន្ទាទោតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ12461
- ម្សិលមិញ11441
- សប្តាហ៍នេះ42291
- ខែនេះ157441
- ឆ្នាំនេះ157441
- សរុប20599897