កម្លាំងនគរបាលខេត្តព្រះសីហនុបាន ស្រាវជ្រាវឃាត់ខ្លួនជនសង្ស័យ៤នាក់ ករណីលួចម៉ូតូ
15-December-2018 | ដោយ ពលមនសិការ
ព្រះសីហនុ៖ កម្លាំងនគរបាលខេត្តព្រះសីហនុបាន ស្រាវជ្រាវឃាត់ខ្លួនជនសង្ស័យ៤នាក់ ករណីលួចម៉ូតូ កាលពីនៅថ្ងៃទី៧ ខែធ្នូ ឆ្នាំ២០១៨ វេលាម៉ោង២៣និង៥០នាទី ស្ថិតនៅចំណោទរ៉ា ភូមិ៣ សង្កាត់៣ ក្រុង-ខេត្តព្រះសីហនុ។
លោកឧត្តមសេនីយ៍ទោ ជួន ណារិន្ទ ស្នងការខេត្តព្រះសីហនុបានឲ្យដឹងថាមានជនសង្ស័យ០៣នាក់ មិនស្គាល់អត្តសញ្ញាណ បានធ្វើសកម្មភាព កាច់បំបែកសោរលួចយកម៉ូតូ របស់ជនរងគ្រោះ ដែលចតទុកនៅខាងមុខផ្ទះ រួចគេចខ្លួនបាត់។ បន្ទាប់ពីទទួលបានបណ្តឹងរបស់ជនរងគ្រោះ កម្លាំងជំនាញផែននគរបាលព្រហ្មទណ្ឌ បានស្រាវជាវយ៉ាងយកចិត្តទុកដាក់ រហូតឃាត់ខ្លួនបានជនសង្ស័យ និងបក្ខពួកសរុបចំនួន៤នាក់។
ជនរងគ្រោះឈ្មោះ SONG XIAO FONG ភេទប្រុស អាយុ ៣០ឆ្នាំ ជនជាតិចិន មុខរបរ បុគ្គលិកកាស៊ីណូ ស្នាក់នៅ ភូមិ១ សង្កាត់៣ ក្រុង-ខេត្តព្រះសីហនុ។
សម្ភារៈបាត់បង់៖ លិខិតឆ្លងដែន០១ច្បាប់ (ទុកក្រោមកែបម៉ូតូ), ម៉ូតូ ០១គ្រឿង ម៉ាកអ៊ែរប្លែត ស៊េរីឆ្នាំ២០១២ ពណ៌ក្រហម-ខ្មៅ ស្លាកលេខៈ ព្រះសីហនុ 1D-9887។
លោកស្នងការបន្តថាជនសង្ស័យទាំង៤នាក់រួមមានទី១-ឈ្មោះ ឈិត ប៊ុនយូ ភេទប្រុស អាយុ១៧ឆ្នាំ មុខរបរ ជាងធ្វើឡាន មានទីលំនៅ ភូមិ៥ សង្កាត់៤ ក្រុង-ខេត្តព្រះសីហនុ (ជនដៃដល់កាច់បំបែកសោរលួចយកម៉ូតូ), ទី២-ឈ្មោះ ទេព ដា ភេទប្រុស អាយុ ១៩ឆ្នាំ មុខរបរ មិនពិតប្រាកដ មានទីលំនៅ មិនពិតប្រាកដ(សហចារី), ទី៣-ឈ្មោះ សំ ចិត្រា ភេទប្រុស អាយុ១៩ឆ្នាំ មុខរបរ មិនពិតប្រាកដ ស្នាក់នៅ ភូមិ៦ សង្កាត់៤ ក្រុង-ខេត្តព្រះសីហនុ (សហចារី) និងទី៤-ឈ្មោះ ទិត វាចា ភេទប្រុស អាយុ២០ឆ្នាំ មុខរបរ មិនពិតប្រាកដ ស្នាក់នៅក្រុម១៧ ភូមិ៥ សង្កាត់៤ ក្រុង-ខេត្តព្រះសីហនុ(ជនសមគំនិតចេញមុខធានាយកម៉ូតូទៅលក់)។
វត្ថុតាងចាប់យកបាន៖សោរច្នៃសម្រាប់កាច់បំបែកសោរម៉ូតូ ០១, ទួឡឺវីសចំនួន០៤(ធំ០១,តូច០៣),សោរលេខ១០ ចំនួន០២,ផ្លែរទួឡឺវីស០១,កន្ត្រៃ០១,កូនកាំប៉ិតចុច០១,វិទ្យុទាក់ទង០១,ម៉ូតូ ០១គ្រឿង ម៉ាកអ៊ែរប្លែត ស៊េរីឆ្នាំ២០១៦ ពណ៌ខ្មៅ គ្មានស្លាកលេខ មានលេខតួ និងលេខម៉ាស៊ីនៈ១១៤១៥៨៦( ផលនៃអំពើទុច្ចរិត ),ម៉ូតូ ០១គ្រឿង ម៉ាកអ៊ែរប្លែត ស៊េរីឆ្នាំ២០១៥ ពណ៌មាស គ្មានស្លាកលេខ មានលេខតួ និងលេខម៉ាស៊ីនៈ០០៩៨០៤១( ផលនៃអំពើទុច្ចរិត ),ម៉ូតូ ០១គ្រឿង ម៉ាកអ៊ែរប្លែត ស៊េរីឆ្នាំ២០១៤ ពណ៌ស គ្មានស្លាកលេខ មានលេខតួ និងលេខម៉ាស៊ីនៈ៥០២៦០៣០ (ផលនៃអំពើទុច្ចរិត)។ បច្ចុប្បន្នកម្លាំងការិយាល័យនគរបាលព្រហ្មទណ្ឌកម្រិតស្រាល កំពុងកសាងសំណុំរឿងបញ្ជូនទៅសាលាដំបូងខេត្តព្រះសីហនុ ៕
ចំនួនអ្នកទស្សនា
- ថ្ងៃនេះ14021
- ម្សិលមិញ11441
- សប្តាហ៍នេះ43851
- ខែនេះ159001
- ឆ្នាំនេះ159001
- សរុប20601457