មុខសញ្ញាជួញដូរគ្រឿង៣នាក់ ត្រូវនគរបាលស្រុកព្រៃនប់ ចាប់ខ្លួននៅតាមផ្លូវCI5 ចំណោតរាម
18-December-2018 | ដោយ ពលមនសិការ
ព្រះសីហនុ៖ លោកវរសេនីយ៍ទោ ហួ យ៉ៃ អធិការ នគរបាលស្រុកព្រៃនប់ បានឲ្យដឹងថា នៅវេលារសៀល ថ្ងៃទី១៧ ខែធ្នូ ឆ្នាំ២០១៨ ម៉ោង១៣និង៥០នាទី កម្លាំងជំនាញនៃអធិការ ដ្ឋាននគរបាលស្រុកព្រៃនប់ បានបង្ក្រាបបទល្មើស គ្រឿងញៀនមួយករណី នៅផ្លូវបត់កោង (សេអ៊ីសែង) ភូមិចំណោតរាម ឃុំបិតត្រាំង ស្រុកព្រៃនប់ ខេត្តព្រះសីហនុ ឃាត់ខ្លួនជនសង្ស័យចំនួន៣នាក់។
មន្ត្រីនគរបាលខេត្តព្រះសីហនុបានឲ្យដឹងថាជនសង្ស័យទី១-ឈ្មោះ សឹម វិសុទ្ធ ភេទប្រុស អាយុ២៨ឆ្នាំ មានទីលំនៅភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ, ទី២-ឈ្មោះដា ចន្នី ភេទប្រុស អាយុ២៩ឆ្នាំ មានទីលំនៅភូមិពូធឿងឃុំបិតត្រាំង ស្រុកព្រៃនប់ ខេត្តព្រះសីហនុ និងទី៣-ឈ្មោះជួន សុភ័ណ្ឌ ភេទប្រុសអាយុ១៦ឆ្នាំ មានលំនៅ ភូមិគគីរឃុំបិតត្រាំងស្រុកព្រៃនប់ ខេត្តព្រះសីហនុ ។
ចាប់យកបានថ្នាំញៀន រួមមាន ម្សៅក្រាមសថ្លាសង្ស័យចំនួន ៣កញ្ចប់ ថ្នាំគ្រាប់ប្រភេទwy ចំនួន ៣៨គ្រាប់ និងទូរស័ព្ទចំនួន ២គ្រឿង។ បច្ចុប្បន្នជនសង្ស័យទាំង៣នាក់កម្លាំងជំនាញកំពុងកសាងសំណុំរឿងដើម្បីចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ13611
- ម្សិលមិញ11441
- សប្តាហ៍នេះ43441
- ខែនេះ158591
- ឆ្នាំនេះ158591
- សរុប20601047