កម្លាំងនគរបាលខណ្ឌដូនពេញ ប្រតិបត្តិការបង្ក្រាករណីជួញដូរគ្រឿងញៀន នៅចំណុចសំណង់មិនរាបរយ ឃាត់ខ្លួនជនសង្ស័យម្នាក់
24-December-2018 | ដោយ ពលមនសិការ
ភ្នំពេញ៖ កម្លាំងនគរបាលខណ្ឌដូនពេញបានបើកប្រតិបត្តិការបង្ក្រាករណីជួញដូរគ្រឿងញៀន នៅចំណុចសំណង់មិនរាបរយ ផ្លូវរថភ្លើង ភូមិ២ សង្កាត់ស្រះចក លុះមកដល់វេលាម៉ោង០៩និង៣០នាទី ថ្ងៃទី២៤ ខែធ្នូ ឆ្នាំ២០១៨។
លោកវរសេនីយ៍ឯក ទៀង ច័ន្ទសារ អធិការនគរបាលខណ្ឌដូនពេញបានឲ្យដឹងថាក្នុងប្រតិបត្តិការខាងលើបានឃាត់ខ្លួនជនសង្ស័យម្នាក់ឈ្មោះហេង ស្រីង៉ា ហៅស្រីកា ភេទស្រី អាយុ១៩ឆ្នាំ ជនជាតិខ្មែរ ស្នាក់នៅផ្ទះគ្មានលេខ សង្កាតបឹងសាឡាង ខណ្ឌទួលគោក មុខរបរមិនពិតប្រាកដ (ជួញដូរគ្រឿងញៀន។
វត្ថុតាងចាប់យករួមមានៈ ក្រាមពណ៌សថ្លា(គ្រឿងញៀន)ចំនួន ០៧កញ្ចប់ ក្នុងនោះមានកញ្ចប់ធំ០១,ជញ្ជីងថ្លឹងគ្រឿងញៀនចំនួន០១,ឧបករណ៍ប្រើប្រាស់សម្រាប់សេពគ្រឿងញៀនមួយចំនួន,ថង់សម្រាប់ច្រកគ្រឿងញៀនធ្វើសកម្មភាព មួយចំនួន,ប្រាក់រៀលចំនួនដប់បីម៉ឺន(១៣០.០០០)។
បច្ចុប្បន្នជនសង្ស័យកម្លាំងជំនាញកំពុងយកចម្លើយបន្តស្រាវជ្រាវរកបក្ខពួកនិង ក្រុមដទៃផ្សេងទៀត ព្រមទាំងកសាងសំណុំរឿងដើម្បីបញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី ៕
ចំនួនអ្នកទស្សនា
- ថ្ងៃនេះ12631
- ម្សិលមិញ11441
- សប្តាហ៍នេះ42461
- ខែនេះ157611
- ឆ្នាំនេះ157611
- សរុប20600067