ជនសង្ស័យចំនួន៥នាក់ ជួញដូរ រក្សាទុកនិងប្រើប្រាស់សារធាតុគ្រឿងញៀនខុសច្បាប់ ត្រូវបានសមត្ថកិច្ចបង្ក្រាបចំនួន២កន្លែងផ្សេងៗគ្នា
31-December-2018 | ដោយ ពលមនសិការ
ឧត្តរមានជ័យ៖ មុខសញ្ញាជួញដូរ និងប្រើប្រាស់សារធាតុញៀនខុសច្បាប់ ចំនួន៥នាក់ ត្រូវបានកម្លាំងនគរបាលក្រុងសំរោងឃាត់ខ្លួនចំនួន២ករណី កាលពីវេលាម៉ោង១២និង៣០នាទីថ្ងៃទី៣០ ខែធ្នូ ឆ្នាំ២០១៨ នៅចំណុចផ្ទះទុកចោល(គ្មានម្ចាស់នៅ)ស្ថិតក្នុងភូមិឈូក សង្កាត់-ក្រុងសំរោង ខេត្តឧត្តរមានជ័យ។
លោកវរសេនីយ៍ឯក ហម ភិរម្យ អធិការនគរបាលក្រុងសំរោង បានឱ្យដឹងថាក្នុងកិច្ចប្រតិបត្តិការ កម្លាំងបានធ្វើការឃាត់ខ្លួនជនសង្ស័យម្នាក់ឈ្មោះឆាំ ស៊ីណាង (ហៅ ម៉ៅ) ភេទប្រុស អាយុ២៤ឆ្នាំ ជនជាតិខ្មែរ មានស្រុកកំណើតនៅ ភូមិត្រពាំងរាំង ឃុំអង្គរមាស ស្រុកដងទង់ ខេត្តកំពត ហើយបច្ចុប្បន្នស្នាក់នៅភូមិឈូក សង្កាត់-ក្រុងសំរោង ខេត្តឧត្តរមានជ័យ(ជាអ្នកចែកចាយនិងប្រើប្រាស់)ក្នុងនោះសមត្ថកិច្ចយើងដកហូតបានវត្ថុតាងរួមមាន៖ថ្នាំម៉ាទឹកកកice ចំនួន១កញ្ចប់ធំ ប្រហែល១ជី តម្លៃ ស្មើនិង១០០ដុល្លារ, ទូរស័ព្ទដៃ១គ្រឿង ម៉ាកអិនចុចពិល,អត្តសញ្ញាណប័ណ្ណសញ្ជាតិខ្មែរគំរូថ្មី ១,សន្លឹកបណ្ណបើកបរ១សន្លឹក,កាបូបប្រាក់ចំនួន១ និងសម្ភារៈបម្រើអោយការជក់មួយចំនួន។
សមត្ថកិច្ចបង្ក្រាបករណីទី២ នៅវេលាម៉ោង២និង៤០នាទីថ្ងៃខែឆ្នាំដដែល នៅចំណុចអគារពន្ធដា ទើបសាងសង់ថ្មីស្ថិតនៅក្នុងភូមិបុរីរដ្ឋបាល សង្កាត់សំរោង ក្រុងសំរោង ឃាត់ខ្លួនជនសង្ស័យបានចំនួន០៤នាក់។
ជនសង្ស័យទី១-ឈ្មោះ តាំង ត្រា ភេទប្រុស អាយុ៣៣ឆ្នាំ មុខរបរជាងឈើ មានស្រុកកំណើតភូមិព្រែកតាសេក ឃុំជ្រោយតាកែវ ស្រុកកោះធំ ខេត្តកណ្តាល មានទីលំនៅបច្ចុប្បន្នភូមិតាប៉ែន ឃុំពង្រ ស្រុកចុងកាល់ ខេត្តឧត្តរមានជ័យ(ចែកចាយ និងប្រើប្រាស់), ទី២-ឈ្មោះ ថាប់ សំណាង ភេទប្រុស អាយុ៣៣ឆ្នាំ មុខរបរគ្រូបង្រៀន មានទីលំនៅភូមិឈូក សង្កាតសំរោង ក្រុងសំរោង ខេត្តឧត្តរ
មានជ័យ(ប្រើប្រាស់), ទី៣-ឈ្មោះ រស់ ផុង ភេទប្រុស អាយុ១៧ឆ្នាំ មុខរបរសិស្ស មានស្រុកកំណើត នៅភូមិត្រកៀត ឃុំមុខប៉ែន ស្រុកពួក ខេត្តសៀមរាប ទីលំនៅបច្ចុប្បន្នភូមិកំណប់ សង្កាត់បន្សាយរាក់ ក្រុងសំរោង ខេត្តឧត្តរមានជ័យ (ប្រើប្រាស់) និងទី៤-ឈ្មោះ អឿ ពិសី ភេទប្រុស អាយុ២១ឆ្នាំមុខរបរ ឈើ ស្រុកកំណើតភូមិកោះចាស់ ឃុំព្រៃស្តី ស្រុកកោះធំ ខេត្តកណ្តាល មានទីលំនៅបច្ចុប្បន្នភូមិគោកច្រេស សង្កាត់សំរោង ក្រុងសំរោង ខេត្តឧត្តរមានជ័យ (ប្រើប្រាស់)។
ដកហូតវត្ថុតាងរួមមាន៖ថ្នាំម៉ាទឹកកកice ចំនួន១កញ្ចប់ធំ ស្មើនិង៣ជី ២ហ៊ុននិង១កញ្ចប់តូច និងម៉ូតូ ម៉ាកសង សេ១២៥ (ទ្រីម) ពណ៌ខ្មៅចំនួន២គ្រឿង សម្ភារៈបម្រើអោយការជក់មួយចំនួន។ ជនសង្ស័យ រួមនិងវត្ថុតាងខាងលើត្រូវបាននាំមកកាន់អធិការដ្ឋាននគរបាលក្រុង ដើម្បីសាកសួរ និងកសាងសំណុំរឿងតាមនីតិវិធី ៕
ចំនួនអ្នកទស្សនា
- ថ្ងៃនេះ10371
- ម្សិលមិញ11441
- សប្តាហ៍នេះ40201
- ខែនេះ155351
- ឆ្នាំនេះ155351
- សរុប20597807