កម្លាំងនគរបាលស្រុកក្រគរ សហការជាមួយនគរបាលប៉ុស្តិ៍រដ្ឋបាលកំពង់លួង ចុះបង្ក្រាបមុខសញ្ញាជួញដូរនូវសារធាតុញៀនខុសច្បាប់បាន១នាក់
03-January-2019 | ដោយ ពលមនសិការ
ពោធិ៍សាត់៖ នៅថ្ងៃអង្គារ១១រោច ខែមិគសិរ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី ០២ ខែមករា ឆ្នាំ២០១៩ វេលាម៉ោង ៩ និង ១០ នាទីព្រឹក កម្លាំងនគរបាលស្រុកក្រគរសហការជាមួយកម្លាំងនគរបាលប៉ុស្តិ៍រដ្ឋបាលកំពង់លួងបានចុះបង្ក្រាបមុខសញ្ញាជួញដូរនូវសារធាតុញៀនខុសច្បាប់បាន១នាក់ នៅចំណុចផ្ទះជនសង្ស័យ ស្ថិតនៅភូមិទី៤ ឃុំកំពង់លួង ស្រុកក្រគរ ខេត្តពោធិ៍សាត់។
លោកវរសេនីយ៍ឯក ឯម រុន អធិការនគរបាលស្រុកក្រគរបានឲ្យដឹងថា ជនសង្ស័យមាន ឈ្មោះ ជុំ ផល្លា ហៅតាក់ អាយុ ២៧ ឆ្នាំ ភេទប្រុស ជនជាតិ ខ្មែរ រស់នៅភូមិទី៤ ឃុំកំពង់លួង ស្រុកក្រគរ មុខរបរ នេសាទត្រី ប្រពន្ធឈ្មោះ គង់ ស្រីធួក អាយុ២៩ឆ្នាំ ជនជាតខ្មែរ មានកូនចំនួន ៣ នាក់ ស្រី។ ក្នុងការបង្ក្រាបនេះសមត្ថកិច្ចដកហូតបានវត្ថុតាងរួមមាន៖ -ម្សៅក្រាមពណ៌សថ្លាសង្ស័យ
ថាមានសារធាតុញៀន ចំនួន ១៣ កញ្ចប់តូច, កាបូបពណ៌ខៀវដាក់ថ្នាំ ០១, ស្បោងច្រកថ្នាំមួយចំនួន។
លោកអធិកាបានបន្តទៀតថា ជនសង្ស័យត្រូវបានឃាត់ខ្លួននៅអធិការដ្ឋាននគរបាលស្រុកក្រគរ តាមបញ្ជាររបស់លោកព្រះរាជអាជ្ញាអមសាលាដំបូងខេត្តពោធិ៍សាត់ចុះថ្ងៃទី០២ ខែមករាឆ្នាំ ២០១៩ដើម្បីកសាងសំណុំរឿងបញ្ជូនទៅតុលាការចាត់ការតាមនិតិវិធី៕
ចំនួនអ្នកទស្សនា
- ថ្ងៃនេះ11211
- ម្សិលមិញ11441
- សប្តាហ៍នេះ41041
- ខែនេះ156191
- ឆ្នាំនេះ156191
- សរុប20598647