កម្លាំងផ្នែកជំនាញ សហការជាមួយគណៈបញ្ជាការឯកភាពខណ្ឌបានឃាត់ខ្លួនជនសង្ស័យម្នាក់ ករណីប្រើប្រាស់ដោយខុសច្បាប់នូវសារធាតុញៀន
03-January-2019 | ដោយ ពលមនសិការ
ភ្នំពេញ៖ កម្លាំងផ្នែកជំនាញ សហការជាមួយគណៈបញ្ជាការឯកភាពខណ្ឌបានឃាត់ខ្លួនជនសង្ស័យម្នាក់ ករណីប្រើប្រាស់ដោយខុសច្បាប់នូវសារធាតុញៀន នៅចំណុចមុខសាលាអនុវិទ្យាល័យព្រែកព្នៅ ផ្លូវជាតិលេខ៥ ភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ នៅថ្ងៃទី០២ ខែមករា ឆ្នាំ២០១៩ វេលាម៉ោង២៣និង៣០នាទី។
លោកវរសេនីយ៍ឯក ឈិន គឹមធុយ អធិការនគរបាលខណ្ឌព្រែកភ្នៅ បានឱ្យដឹងថាជនសង្ស័យឈ្មោះវ៉ាន់ ចាន់នី ភេទប្រុស អាយុ៣១ឆ្នាំ ជនជាតិខ្មែរ មុខរបរកម្មករ មានទីលំនៅផ្ទះគ្មានលេខ ផ្លូវ១៥១ ភូមិសំរោងត្បូង សង្កាត់សំរោង ខណ្ឌព្រែកព្នៅ រាជធានីភ្នំពេញ។
សម្ភារៈចាប់យកៈ គ្រឿងញៀនប្រភេទក្រាមសថ្លាចំនួនបន្តិចដែលជាប់នៅនិងក្រដាសពណ៌ទឹកប្រាក់, ម៉ូតូម៉ាកហុងដាសេ១០០កូរ៉េ ពណ៌ក្រហម ពាក់ស្លាកលេខ ភ្នំពេញ 1CF-5761មួយគ្រឿង, ទូរស័ព្ទដៃម៉ាកអិនចុចពិលចំនួន០១គ្រឿង។
លោកអធិការបន្តថា មុនពេលឃាត់ខ្លួនជនសង្ស័យខាងលើកម្លាំងផ្នែកជំនាញ សហការជាមួយគណៈបញ្ជាការឯកភាពខណ្ឌព្រែកព្នៅ បានដាកគោលដៅត្រួតពិនិត្យអាវុធជាតិផ្ទុះ នៅចំណុចខាងលើ ក៏ប្រទះឃើញជនសង្ស័យ០៣នាក់ ជិះម៉ូតូមួយគ្រឿងក្នុងទិសដៅពីត្បូងទៅជើងដោយមានការសង្ស័យកម្លាំងក៏បានឃាត់អោយឈប់ដើម្បីត្រួតពិនិត្យ ក៏ប្រទះឃើញថ្នាំញៀនប្រភេទក្រាមសថ្លាចំនួនបន្តិចដែលជនសង្ស័យឈ្មោះ វ៉ាន់ ចាន់នី លាក់ទុកក្នុងក្រដាសពណ៌ទឹកប្រាក់ ទុកក្នុងហោប៉ៅខោខាងស្ដាំ រួចមកកម្លាំងផ្នែកជំនាញក៏បាននាំខ្លួនជនសង្ស័យខាងលើបញ្ជូនមកអធិការដ្ឋាននគរបាលខណ្ឌតែម្ដង។ បច្ចុប្បន្នជនសង្ស័យខាងលើ រួមទាំងវត្តុតាង ឃាត់ខ្លននៅអធិការដ្ឋាននគរបាលខណ្ឌដើម្បីកសាងសំណុំរឿងបញ្ជូនទៅតុលាការ ៕
ចំនួនអ្នកទស្សនា
- ថ្ងៃនេះ11851
- ម្សិលមិញ11441
- សប្តាហ៍នេះ41681
- ខែនេះ156831
- ឆ្នាំនេះ156831
- សរុប20599287