កម្លាំងនគរបាលខណ្ឌទួលគោក ឃាត់ខ្លួនជនសង្ស័យ២នាក់ ជាក់ស្តែងករណីកាន់កាប់អាវុធ ដោយគ្មានការអនុញ្ញាត
04-January-2019 | ដោយ ពលមនសិការ
ភ្នំពេញ៖ កម្លាំងនគរបាលខណ្ឌទួលគោក ត្រួតពិនិត្យការអនុវត្តន៍ច្បាប់ចរាចរណ៌ផ្លូវគោក បានឃាត់ខ្លួនជនសង្ស័យ២នាក់ ជាក់ស្តែងករណីកាន់កាប់អាវុធដោយគ្មានការអនុញ្ញាត កាលពីថ្ងៃទី០៣ ខែធ្នូ ឆ្នាំ២០១៨ វេលាម៉ោងប្រហែល១៥និង៤០នាទី នៅចំណុចលើផ្លូវ លេខ២៦៥កែង១២២ ក្រុមទី២៩ ភូមិ៨ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។
លោកវរសេនីយ៍ទោ សុខ ហេង អធិការនគរបាលខណ្ឌទួលបានឱ្យដឹងថាជនសង្ស័យទី១-ឈ្មោះ អាន ឧស្សាហ៍ ហៅ ឈឿន ភេទប្រុស អាយុ៣៣ឆ្នាំ ជនជាតិខ្មែរ មុខរបរ លក់កាបូបនិងថូផ្កា ស្នាក់ នៅតូបលក់ថូផ្កា ស្រះសួរ សង្កាត់ ក្រុងប៉ោយប៉ែត (ធ្លាប់ជាប់ពន្ធនាគារម១ព្រៃស រយៈពេល២ឆ្នាំ ក្នុងឆ្នាំ២០០៦ ពីបទប្លន់ ចេញពីពន្ធនាគារវិញ ក្នុងឆ្នាំ២០០៨), ទី២-ឈ្មោះ សេង វណ្ណៈ ភេទប្រុស អាយុ៣១ឆ្នាំ ជនជាតិខ្មែរ មុខរបរបុគ្គលិក បើកឡានក្រុងក្រុមហ៊ុនហ៊ាតុង (GH) ស្នាក់នៅភូមិវត្តភ្នំ ឃុំភ្នំតូច ស្រុកឧដុង្គ ខេត្តកំពង់ស្ពឺ។
វត្ថុតាងចាប់យកមាន៖ ដែកជំពុះទុងមុខស្រួចចំនួន០១ ប្រវែងប្រហែល ២តឹក និងម៉ូតូមួយគ្រឿងម៉ាកHonda ពាក់ស្លាកលេខ ភ្នំពេញ 1CK-8406 ចាប់យកពីឈ្មោះ អាន ឧស្សាហ៍ ហៅ ឈឿន)។
បច្ចុប្បន្នជនសង្ស័យខាងលើកំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរ កសាងសំណុំរឿង និងបញ្ជូនជនសង្ស័យទៅសាលាដំបូងរាជធានីភ្នំពេញ ចាត់ការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ10861
- ម្សិលមិញ11441
- សប្តាហ៍នេះ40691
- ខែនេះ155841
- ឆ្នាំនេះ155841
- សរុប20598297