ជនសង្ស័យ៣នាក់ ត្រូវការិយាល័យប្រឆាំងគ្រឿងញៀនឃាត់ខ្លួន
07-January-2019 | ដោយ ពលមនសិការ
រតនគិរី៖ កាលពីថ្ងៃទី០៦ ខែមករា ឆ្នាំ២០១៩ វេលាម៉ោង៣និង៣០នាទី កម្លាំងជំនាញការិយាល័យប្រឆាំងគ្រឿង នៃស្នងការរដ្ឋានខេត្តរតនគិរី បានចុះបង្ក្រាបករណីជួញដូរ និងប្រើប្រាស់នូវសារធាតុញៀន ស្ថិតក្នុងភូមិអូរកន្ទិល សង្កាត់បឹងកន្សែង ក្រុងបានលុង ខេត្តរតនគិរី។
បើតាមការឲ្យដឹងពីការិយាល័យប្រឆាំងគ្រឿងញៀនថា ជំហ៊ានដំបូងកម្លាំងជំនាញ បានឃាត់ខ្លួនជនសង្ស័យម្នាក់ ដោយប្រវិធានជំនាញ ដកហូតម្សៅក្រាមពណ៌សថ្លាសង្ស័យសារធាតុញៀនបាន១កញ្ចប់ ដោយមានការបញ្ជាផ្ទាល់ពីលោក ឧត្ដមសេនីយ៍ត្រី វ៉ាន់ សង្វាត់ ស្នងការរងផែនការងារប្រឆាំងបទល្មើស បន្ទាប់មកកម្លាំងជំនាញបានសាកសួររួច បន្តឈានទៅឃាត់ខ្លួនជនសង្ស័យ២នាក់ទៀត ក្នុងផ្ទះមុខសញ្ញាទី១ ស្ថិតក្នុងភូមិអូរកន្ទិល សង្កាត់បឹងកន្សែង ក្រុងបានលុង ខេត្តរតនគិរី ដោយមានការសម្របសម្រួលពីលោក រ៉ាបូ រ៉ាន់ឌី ព្រះរាជអជ្ញាអមសាលាដំបូងខេត្តរតនគិរី ហើយ ឆែកឆេររកឃើញម្សៅក្រាមពណ៌សថ្លាសង្ស័យសារធាតុញៀនមួយចំនួនទៀត។
ជនសង្ស័យដែលត្រូវឃាត់ខ្លួនបានមានទី១-ឈ្មោះ ជាង ណាង ភេទប្រុស អាយុ ៣៥ឆ្នាំ ជនជាតិខ្មែរ,ទី២-ឈ្មោះ តាល់ ពឹង ភេទប្រុស អាយុ ២៤ឆ្នាំ ជនជាតិខ្មែរ និងទី៣-ឈ្មោះ ដួង សុភ័ណ ភេទប្រុស អាយុ៣៦ឆ្នាំ ជនជាតិខ្មែរក្រោយពីបានឃាត់ខ្លួន កម្លាំងជំនាញ បានធ្វើតេស្តទឹកនោមលទ្ធផលវិជ្ជមាន(+)ទាំង៣នាក់។
ចំណែកវត្ថុតាងដកហូតបានរួមមាន ម្សៅក្រាមពណ៌សថ្លា សង្ស័យសារធាតុញៀនចំនួន០៥កញ្ចប់ធំទម្ងន់១១.២០ក្រាម ទាំងសំបកថង់ ព្រមទាំងទូរស័ព្ទដៃ១គ្រឿង ដាវសាំម៉ូរ៉ៃ២ដើម ជញ្ជីងថ្លឹងថ្នាំញៀន១គ្រឿង, ម៉ូតូ២គ្រឿង, ថង់ច្រកថ្នាំញៀនធំ និងសម្ភារៈសេពថ្នាំញៀនមួយចំនួនធំទៀតផង។
បច្ចុប្បន្នជនសង្ស័យទាំង៣នាក់រួមទាំងវត្ថុតាង បានឃាត់ខ្លួន រក្សាទុកបណ្ដោះអាសន្ននៅការិយាល័យជំនាញដើម្បីបន្ត កសាងសំណុំរឿង ដើម្បីបញ្ជូនទៅអយ្យកាអមសាលាដំបូងខេត្ត៕
ចំនួនអ្នកទស្សនា
- ថ្ងៃនេះ8951
- ម្សិលមិញ11441
- សប្តាហ៍នេះ38781
- ខែនេះ153931
- ឆ្នាំនេះ153931
- សរុប20596387