មុខសញ្ញាជួញដូរនិងប្រើប្រាស់គ្រឿងញៀន៧នាក់ ត្រូវនគរបាលខណ្ឌទួលគោកឃាត់ខ្លួន
08-January-2019 | ដោយ ពលមនសិការ
ភ្នំពេញ៖ លោកវរសេនីយ៍ទោ សុខ ហេង អធិការនគរបាលខណ្ឌទួលគោក បានដឹកនាំកម្លាំងស្រាវជ្រាវបង្ក្រាបជាក់ស្តែងករណីជួញដូរនិងប្រើប្រាស់គ្រឿងញៀន នៅចំណុចផ្ទះសំណាក់យីហោ ចរិយា១២១ ដែលមានទីតាំងផ្ទះលេខ១២១ (បន្ទប់លេខ១០២ និងបន្ទប់លេខ១០៤ ជាន់ទី១) ផ្លូវលេខ១៩២ ក្រុមទី២៤ ភូមិ៩ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ កាលពីថ្ងៃទី៥ ខែមករា ឆ្នាំ២០១៩ វេលាម៉ោង៩និង៣០នាទី។
លោកអធិការបន្តថាក្នុងប្រតបត្តិការខាងលើ សមត្ថកិច្ចឃាត់ខ្លួនជនសង្ស័យ០៧នាក់បន្ទប់០២ផ្សេងគ្នា ក្នុងនោះមានបន្ទប់លេខ១០២ (០៤នាក់) , បន្ទប់លេខ១០៤(០៣នាក់)៖ទី១-ឈ្មោះ កន សិត ហៅ សិត ភេទប្រុស អាយុ១៨ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅក្នុងដីឡូត៍គ្មានលេខ ផ្លូវលំ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ (ម្ចាស់ថ្នាំ) (ជាអ្នកជួញដូរ), ទី២-ឈ្មោះ ចាន់ ដេត ហៅ ដេត ភេទប្រុស អាយុ២៣ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នផ្ទះជួលគ្មានលេខ ផ្លូវឌឿងហែម សង្កាត់ផ្សារថ្មីទី២ ខណ្ឌដូនពេញ រាជធានីភ្នំពេញ (ជាអ្នកជួញដូរ), ទី៣-ឈ្មោះ រិន រ៉ូហ្សា ហៅ ម៉ុច ភេទស្រី អាយុ១៧ឆ្នាំ ជនជាតិខ្មែរ មុខរបរ ពុំពិតប្រាកដ ស្នាក់នៅផ្ទះ ភូមិបត់តាជី ខេត្តកណ្ដាល (ជាអ្នកជួញដូរ), ទី៤-ឈ្មោះ ខូវ សុវណ្ណពេជ្រចរណៃ ហៅ រីយ៉ា ភេទស្រី អាយុ១៨ឆ្នាំ ជនជាតិខ្មែរ ស្នាក់នៅបន្ទប់ជួលគ្មានលេខ ផ្លូវលំ សង្កាត់បឹងសាឡាង ខណ្ឌទួលគោក រាជធានីភ្នំពេញ (ជាអ្នកជួញដូរ) ។
វត្ថុតាងចាប់យកមាន៖ក្រាមពណ៌សថ្លា (សង្ស័យជាគ្រឿងញៀន) ចំនួន២៨ កញ្ចប់តូច , កូនថង់ប្លាស្ទិកសំរាប់ច្រកគ្រឿងញៀនមួយចំនួន , ដែកកេះចំនួន០២ , កូនកន្ត្រៃចំនួន០១ , ឧបករណ៍សំរាប់ប្រើប្រាស់គ្រឿងញៀនមួយចំនួន និងម៉ូតូមួយគ្រឿងគ្មានម៉ាក (កូនទា) ពណ៌ទឹកសមុទ្រ ពាក់ស្លាកលេខ តាកែវ 1D-6287 ដែលមានលេខតួនិងលេខម៉ាស៊ីន: 102680 ។
បន្ទប់លេខ១០៤ យើងរកឃើញ ជនសង្ស័យចំនួន០៣នាក់ មាន៖ទី១-ឈ្មោះ ឡោ កក្កដា ហៅ មា ភេទប្រុស អាយុ៣៣ឆ្នាំ ជនជាតិខ្មែរ មុខរបរ កម្មកររោងចក្រ ស្នាក់នៅផ្ទះគ្មានលេខ ផ្លូវបេតុង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ (ជាអ្នកប្រើប្រាស់),ទី២-ឈ្មោះ ស៊ិន វណ្ណា ហៅ វណ្ណា ភេទប្រុស អាយុ១៩ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះលេខ៥៥៣ ផ្លូវលំ សង្កាត់ទឹកថ្លា ខណ្ឌសែនសុខ រាជធានីភ្នំពេញ (ជាអ្នកប្រើប្រាស់) និងទី៣-ឈ្មោះ ខែង ប្រពៃ ហៅ ប្រពៃ ភេទប្រុស អាយុ១៩ឆ្នាំ ជនជាតិខ្មែរ មុខរបរ និស្សិត ស្នាក់នៅបន្ទប់ជួល គ្មានលេខ ផ្លូវលំ សង្កាត់ទឹកថ្លា ខណ្ឌសែនសុខ រាជធានីភ្នំពេញ (ជាអ្នកប្រើប្រាស់) ។
វត្ថុតាងចាប់យកមាន៖ឧបករណ៍សំរាប់ប្រើប្រាស់គ្រឿងញៀនមួយចំនួន (ដែកកេះចំនួន០៣, ទុយោកែច្នៃសំរាប់ជក់គ្រឿងញៀនចំនួន០២), ម៉ូតូចំនួន០១គ្រឿងម៉ាក Honda Dream C125 ពណ៌ខ្មៅ ស៊េរី 2010 ពាក់ស្លាកលេខ ភ្នំពេញ 1AO-3303 ដែលមានលេខតួនិងលេខម៉ាស៊ីន: 8471681។
ក្រោយពីត្រួតពិនិត្យរួចក្រុមប្រតិបត្តិការយើងបានសម្រេច ឃាត់ខ្លួនជនសង្ស័យចំនួន០៧នាក់ រួម និងវត្ថុតាងខាងលើ បញ្ជូនមកកាន់អធិការដ្ឋាននគរបាលខណ្ឌទួលគោក ដើម្បីចាត់ការបន្តតាមផ្លូវច្បាប់។
ដោយឡែកទីតាំងបន្ទប់លេខ១០២ និង បន្ទប់លេខ១០៤ នៃផ្ទះសំណាក់ ចរិយា១២១ ក្រុមប្រតិបត្តិការយើងបានសម្រេចបិទឃ្លុំបេជាបណ្ដោះអាសន្ន។ បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្ដោះអាសន្ន នៅអធិការដ្ឋាននគរបាលខណ្ឌទួលគោក ដើម្បីសាកសួរ កសាងសំណុំរឿង និងបញ្ជូនជនសង្ស័យទៅសាលាដំបូងរាជធានីភ្នំពេញចាត់តាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ8931
- ម្សិលមិញ11441
- សប្តាហ៍នេះ38761
- ខែនេះ153911
- ឆ្នាំនេះ153911
- សរុប20596367