បុរសម្នាក់បានរងរបួសធ្ងន់ ក្នុងករណីគ្រោះថ្នាក់ចរាចរណ៍រវាងរថយន្តបុកម៉ូតូ
10-January-2019 | ដោយ ពលមនសិការ
ប៉ៃលិន៖ បុរសម្នាក់បានរងរបួសធ្ងន់ ក្នុងករណីគ្រោះថ្នាក់ចរាចរណ៍រវាងរថយន្តបុកម៉ូតូ កាលពីវេលាម៉ោង១៥និង ២០នាទីរសៀល ថ្ងៃពុធ ៤កើត ខែបុស្ស ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី៩ ខែមករា ឆ្នាំ២០១៩ នៅចំណុចភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។
សមត្ថកិច្ចបានឱ្យដឹងថាជនបង្ករមានឈ្មោះកែវ សុវណ្ណ ភេទ ប្រុស អាយុ៣៤ឆ្នាំ រស់នៅភូមិក្រចាប់ សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន បើកបររថយន្ដម៉ាកកាំម៉ារី ពណ៌ខ្មៅស្លាក់លេខ ភ្នំពេញ 2R-4152។ ជនរងគ្រោះមានឈ្មោះ កាំ សាវី ភេទប្រុស អាយុ៥៥ឆ្នាំ ជនជាតិខ្មែរ រស់នៅភូមិកូនភ្នំសង្កាត់អូរតាវ៉ៅ ក្រុងប៉ៃលិន ខេត្តប៉ៃលិន រងរបួសជើងខាង ឆ្វេង ជិះម៉ូតូម៉ាក Honda Dream C125 ផលិតឆ្នាំ២០១៤ ពណ៌ខ្មៅ ពាក់ស្លាកលេខ ប៉ៃលិន1C-0071។
បច្ចុប្បន្នជនរងគ្រោះត្រូវបានបញ្ជូនមកសង្គ្រោះនៅមន្ទីរពេទ្យ។ ចំណែកម៉ូតូ និងរថយន្តត្រូវបានយកទៅរក្សាទុកនៅអធិការដ្ឋាននគរបាលក្រុងប៉ៃលិន ដើម្បីរង់ចាំការដោះស្រាយ ៕
ចំនួនអ្នកទស្សនា
- ថ្ងៃនេះ9591
- ម្សិលមិញ11441
- សប្តាហ៍នេះ39421
- ខែនេះ154571
- ឆ្នាំនេះ154571
- សរុប20597027