មុខសញ្ញាឆក់កាបូប ៣នាក់ ត្រូវនគរបាលបញ្ជូនទៅតុលាការ
10-January-2019 | ដោយ ពលមនសិការ
ភ្នំពេញ៖ នៅព្រឹកថ្ងៃទី១០ ខែមករា ឆ្នាំ២០១៩ កម្លាំងនគរបាលការិយាល័យព្រហ្មទណ្ឌកំរិតស្រាល បញ្ជូនជនសង្ស័យ៣នាក់ ទៅអយ្យការអមសាលាដំបូងរាជធានីភ្នំពេញ ករណីលួចមានស្ថានទម្ងន់ទោស(ឆក់សម្ភារៈប្រជាពលរដ្ឋតាមដងផ្លូវសាធារណៈ)។
លោកវរសេនីយ៍ឯក ប៊ុន សត្យា នាយការិយាល័យព្រហ្មទណ្ឌកំរិតស្រាលរាជធានីភ្នំពេញបានឱ្យដឹងថា កាលពីថ្ងៃទី ០៨ ខែមករា ឆ្នាំ២០១៩ វេលាម៉ោង១៩និង១០នាទី កម្លាំងជំនាញរបស់ការិយាល័យបានអន្តរាគមន៍ បង្ក្រាបនិងឃាត់ខ្លួនក្នុងបទល្មើសជាក់ស្តែងជនសង្ស័យចំនួន០៣នាក់ នៅចំណុចផ្លូវលេខ២៩៤ កែងផ្លូវលេខ៥១ សង្កាត់បឹងកេងកងទី១ ខណ្ឌចំការមន រាជធានីភ្នំពេញ ដែលប្រព្រឹត្តបទល្មើស អំពើលួចមានស្ថានទម្ងន់ទោស (ឆក់កាបូបស្ពាយ មិនបានសម្រេច) នៅចំណុចមុខហាងម៉ាស្សាយីហោ វ៉ាភូ ផ្ទះលេខ១៤ ផ្លូវលេខ៥១ ភូមិ៧ សង្កាត់បឹងកេងកងទី១ ខណ្ឌចំការមន រាជធានីភ្នំពេញ។
ជនសង្ស័យទី១-ឈ្មោះ អ៊ឹង រតនា ហៅខ្នា ភេទប្រុស អាយុ ១៩ឆ្នាំ ជនជាតិខ្មែរ មុខរបរលក់ម៉ូតូ ស្នាក់នៅផ្ទះមិនចាំលេខ ផ្លូវលេខមិនចាំ បូរីហុងឡេងយី សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ, ទី២-ឈ្មោះ ស្រី មនោ ភេទប្រុស អាយុ១៧ឆ្នាំ ជនជាតិខ្មែរ មុខរបរធ្វើម្ហូបការ
ស្នាក់នៅផ្ទះគ្មានលេខ ផ្លូវលំ ឃុំអរិយក្សត្រ ស្រុកល្វាឯម ខេត្តកណ្តាល និងទី៣-ឈ្មោះគ្រឿន ជលសា ហៅនៅ ភេទ ប្រុស អាយុ១៧ឆ្នាំ ជនជាតិខ្មែរ មុខរបរធ្វើចំការ ស្នាក់នៅផ្ទះលេខ០២ ផ្លូវលំ ឃុំអរិយក្សត្រ ស្រុកល្វាឯម ខេត្តកណ្តាល។
វត្ថុតាងចាប់យក៖ម៉ូតូមួយគ្រឿងម៉ាកហុងដាសេ១២៥ ពណ៌ទឹកមាស ឆ្នាំផលិត២០១៩ លេខតួ-លេខម៉ាស៊ីន ៥៣៧៨៧០៥ ពាក់ស្លាកលេខ ភ្នំពេញ1HI-8247 ៕
ចំនួនអ្នកទស្សនា
- ថ្ងៃនេះ9051
- ម្សិលមិញ11441
- សប្តាហ៍នេះ38881
- ខែនេះ154031
- ឆ្នាំនេះ154031
- សរុប20596487