កម្លាំងអធិការដ្ឋាននគរបាលខណ្ឌសែនសុខ ឃាត់ខ្លួនជនសង្ស័យចំនួន០២នាក់ ករណីអំពើលួច
10-January-2019 | ដោយ ពលមនសិការ
ភ្នំពេញ៖ កាលពីថ្ងៃ០៩ ខែមករា ឆ្នាំ២០១៩ វេលាម៉ោង ១៨និង៣០នាទី កម្លាំងអធិការដ្ឋាននគរបាលខណ្ឌសែនសុខ បាន ឃាត់ខ្លួនជនសង្ស័យចំនួន០២នាក់ ករណីអំពើលួច (ឆក់យកកាបូបប្រាក់) នៅភូមិម័រ សង្កាត់ដង្កោ ខណ្ឌដង្កោ តាមចំណារឯកភាពរបស់ព្រះរាជអាជ្ញារងអមសាលាដំបូងរាជធានីភ្នំពេញ ឃាត់ខ្លួននៅចំណុចភូមិអ័កគីដេរ សង្កាត់អូរបែកក្អម ខណ្ឌសែនសុខ។
លោកវរសេនីយ៍ឯក ហ៊ួរ ម៉េងវ៉ាង អធិការនគរបាលខណ្ឌបានឱ្យដឹងថាជនសង្ស័យចំនួន ០២នាក់រួមាន៖ទី១-ឈ្មោះ យ៉េន គឹមស័ក្ត ភេទប្រុស អាយុ២៣ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល ផ្លូវបេតុង ភូមិម័រ សង្កាត់ដង្កោ ខណ្ឌដង្កោ, ទី២-ឈ្មោះ យ៉េង យូរ ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល ផ្លូវបេតុង ភូមិអ័កគីដេរ សង្កាត់អូរបែកក្អម ខណ្ឌសែនសុខ។
ជនរងគ្រោះ មិនស្គាល់អត្តសញ្ញាណ (ពុំបានដាក់ពាក្យបណ្តឹង)។សម្ភារៈបាត់បង់៖កាបូបប្រាក់ដៃមនុស្សស្រី ចំនួន១ មានលុយចំនួន១៥ដុល្លារ។
សម្ភារៈបន្សល់ទុក៖ឧបករណ៍ធ្វើសកម្មភាពលួចម៉ូតូមួយចំនួន,ទូរស៍ព្ទដៃចំនួន០៣គ្រឿង, រថយន្តចំនួន០១គ្រឿង កាមរីបាឡែន ពណ៌ស ផលិតឆ្នាំ២០០២ ពាក់ស្លាកលេខភ្នំពេញ 2D-9910។
លោកអធិការបន្តថា កាលពីថ្ងៃទី០៨ ខែមករា ឆ្នាំ២០១៩ វេលាម៉ោង២៣និង៣០នាទី កម្លាំងប៉ុស្តិ៍រដ្ឋបាលអូរបែកក្អមបានល្បាតក្នុងភូមិសាស្ត្រ ដល់ចំណុចកើតហេតុខាងលើ បានឃើញជនសង្ស័យចំនួន០២នាក់ កំពុងដើរតាមផ្លូវ ដោយមានការសង្ស័យ កម្លាំងល្បាតយើងបានហៅជនសង្ស័យឲ្យឈប់ត្រួតពិនិត្យ និងសួរនាំជនសង្ស័យខាងលើបានសារភាពថាខ្លួននិងបក្ខពួកធ្លាប់ធ្វើសកម្មភាពឆក់កាបូបដៃពីមនុស្សស្រី ធ្វើដំណើរតាមផ្លូវ ម្តុំភូមិម័រ សង្កាត់ដង្កោ ខណ្ឌដង្កោ កាលពីខែមិនា ឆ្នាំ២០១៨ និងដោយមានចំណារឯកភាពពីព្រះរាជអាជ្ញារងអមសាលាដំបូងរាជធានីភ្នំពេញញអនុញ្ញាតឲ្យអធិការដ្ឋាននគរបាលខណ្ឌសែនសុខ ឃាត់ខ្លួនជនសង្ស័យខាងលើតែម្តងនៅថ្ងៃទី០៩ ខែមករា ឆ្នាំ២០១៩ វេលាម៉ោង១៨និង៣០នាទី។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធីច្បាប់ ៕
ចំនួនអ្នកទស្សនា
- ថ្ងៃនេះ8451
- ម្សិលមិញ11441
- សប្តាហ៍នេះ38281
- ខែនេះ153431
- ឆ្នាំនេះ153431
- សរុប20595887