មនុស្ស២នាក់ បានរងរបួសធ្ងន់ក្នុងករណីគ្រោះថ្នាក់ចរាចរណ៍រវាងរថយន្តនិងម៉ូតូ
21-January-2019 | ដោយ ពលមនសិការ
ស្វាយរៀង៖ មនុស្ស២នាក់ បានរងរបួសធ្ងន់ក្នុងករណីគ្រោះថ្នាក់ចរាចរណ៍រវាងរថយន្តនិងម៉ូតូក្នុងទិសដៅស្របទិសគ្នា។ ឧបទ្ទវហេតុនេះបានកើតឡើង កាលពីថ្ងៃអាទិត្យ ១៥កើត ខែបុស្ស ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២០ ខែ មករា ឆ្នាំ២០១៩ វេលាម៉ោង២០នឹង៣៥នាទី ស្ថិតនៅលើផ្លូវជាតិលេខ១ ចន្លោះគីឡូម៉ែតលេខ១២៤-១២៥ ក្នុងភូមិ កៀនសាំង សង្កាត់ស្វាយរៀង ក្រុងស្វាយរៀង។
សមត្ថកិច្ចបានឱ្យដឹងថារថយន្តបង្កហេតុម៉ាក LEXUS ពណ៌ ស ពាក់ស្លាកលេខ ភ្នំពេញ 2AE-2386 អ្នកបើកបរមិនស្គាល់អត្តសញ្ញាណ រត់គេចពីកន្លែងកើតហេតុ បើកបរពីលិចទៅកើត រថយន្ដខូចខាតធ្ងន់។ ចំណែកម៉ូតូម៉ាកWave ពណ៌ខ្មៅ ពាក់ស្លាកលេខ រដ្ឋ ១៦.១.១២២៩ បើកបរដោយឈ្មោះ ឃួន សំអុន ភេទប្រុស អាយុ៥៦ឆ្នាំ មុខរបរគ្រូបង្រៀន រស់នៅភូមិញរ ឃុំញរ ស្រុកកំពង់រោទិ៍ ខេត្តស្វាយរៀង មិនមួកសុវត្ថិភាព បើកបរពីលិចទៅកើត រងរបួសធ្ងន់ ម៉ូតូខូចខាតធ្ងន់។ អ្នករួមដំណើរឈ្មោះ សេក ថុណា ភេទ ស្រី អាយុ៣៨ឆ្នាំ មុខរបរកម្មកររោងចក្រ រស់នៅភូមិស្វាយអាណាត ឃុំញរ ស្រុកកំពង់រោទិ៍ ខេត្តស្វាយរៀង មិនពាក់មួកសុវត្ថិភាព រងរបួសធ្ងន់។
ក្រោយកើតហេតុសមត្ថិច្ចជំនាញបានចុះវាស់វែងយកមធ្យោបាយមករក្សាទុកនៅការិយាល័យចរាចរណ៍ខេត្តស្វាយរៀង។ អ្នករបួសសម្រាកព្យាបាលនៅមន្ទីរពេទ្យខេត្តស្វាយរៀង។ មូលហេតុសមត្ថកិច្ចកំពុងស៊ើបអង្កេត៕
ចំនួនអ្នកទស្សនា
- ថ្ងៃនេះ7241
- ម្សិលមិញ11441
- សប្តាហ៍នេះ37071
- ខែនេះ152221
- ឆ្នាំនេះ152221
- សរុប20594677