ប៉ុស្តិ៍រដ្ឋបាលគោកឃ្លាង ឃាត់ខ្លួនជនសង្ស័យចំនួន០២នាក់ ករណីប្រើប្រាស់ខុសច្បាប់នូវសារធាតុញៀន
24-January-2019 | ដោយ ពលមនសិការ
ភ្នំពេញ៖ កាលពីថ្ងៃទី២៣ ខែមករា ឆ្នាំ២០១៩ វេលាម៉ោង២០និង៣០នាទី ប៉ុស្តិ៍រដ្ឋបាលគោកឃ្លាង បានឃាត់ខ្លួនជនសង្ស័យចំនួន០២នាក់ ករណីប្រើប្រាស់ខុសច្បាប់នូវសារធាតុញៀន នៅចំណុចតាមផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ។
ជនសង្ស័យចំនួន០២នាក់រួមមាន៖ទី១-ឈ្មោះ គឹម ផល្លី ភេទប្រុស អាយុ២៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិចំការដូង សង្កាត់ចំការដូង ខណ្ឌដង្កោ នឹងទី២-ឈ្មោះ ពៅ សុវណ្ណបញ្ញា ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិចំការដូង សង្កាត់ចំការដូង ខណ្ឌដង្កោ។សម្ភារៈដកហូត ៖ ម៉ូតូ០១គ្រឿង ម៉ាកស្មាស់ ពណ៌ខៀវ ពាក់ស្លាកលេខភ្នំពេញ1AC-4446។
សមត្ថកិច្ចបានឱ្យដឹងថាមុនពេលឃាត់ខ្លួនជនសង្ស័យខាងលើ កម្លាំងល្បាតផ្នែកអន្តរាគមន៍ ល្បាតក្នុងភូមិសាស្ត្រ ដល់ចំណុចកើតហេតុខាងលើ ឃើញជនសង្ស័យចំនួន០២នាក់ កំពុងជិះម៉ូតូ០១គ្រឿឌុបគ្នាតាមផ្លូវ ដោយមានការសង្ស័យកម្លាំងល្បាតយើងហៅជនសង្ស័យឲ្យឈប់ ត្រួតពិនិត្យលើដងខ្លួន រួចកម្លាំងយើងនាំខ្លួនជនសង្ស័យយកមក សាកសួរត្រួតពិនិត្យទឹកនោមរកសារធាតុញៀន នៅអធិការដ្ឋាននគរបាលខណ្ឌសែនសុខ។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ8291
- ម្សិលមិញ11441
- សប្តាហ៍នេះ38121
- ខែនេះ153271
- ឆ្នាំនេះ153271
- សរុប20595727