បុរសម្នាក់ចង ក សម្លាប់ខ្លួនឯងដោយសារមូលហេតុសរសៃប្រសាទ(បែកថ្នាំ)
31-January-2019 | ដោយ ពលមនសិការ
ឧត្តរមានជ័យ៖ បុរសម្នាក់បានចងសម្លាប់ខ្លួន នៅចំណុច ភូមិពពេល ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ កាលពីវេលាម៉ោង៦និង៣០នាទី ថ្ងៃទី៣០ ខែមករា ឆ្នាំ២០១៩។
មន្ត្រីនគរបាលខេត្តបានឱ្យដឹងថាជនរងគ្រោះឈ្មោះ កែ ប៊ុនថង ភេទប្រុស អាយុ២៣ឆ្នាំ រស់នៅភូមិកើតហេតុខាងលើ បានយកក្រម៉ាពោះគោ ពណ៌ក្រហម ចងភ្ជាប់ជាមួយនិងដើមឈើកម្ពស់ ២ម៉ែត្រ រួចចងកខ្លួនឯងទំលាក់ខ្លួនមកក្រោម បណ្តាលអោយស្លាប់ ស្ថិតនៅខាងជើងផ្ទះ របស់ជនរងគ្រោះខ្លួនឯង ចម្ងាយប្រហែល ២៥ម៉ែត្រ ដោយមូលហេតុសរសៃប្រសាទ (បែកថ្នាំ) ។
បន្ទាប់ពីបានទទួលដំណឹងពីលោកនាយប៉ុសិ៍្ត ឃុំផ្អាវ បានសហការជាមួយកម្លាំងប៉ុស្តិ៍ និងគ្រូពេទ្យ ឈ្មោះ ចូត ចន ឋានៈ ប្រធានមណ្ឌលសុខភាពឃុំផ្អាវ ចុះពិនិត្យកន្លែងកើតហេតុ និងសាកសព ។
ការប្រមូលព័ត៌មានជុំវិញកន្លែងកើតហេតុ៖និងយោងតាមការបំភ្លឺរបស់លោក កែ លីម ត្រូវជាឪពុក របស់ជនរងគ្រោះនិងយោងតាមការបំភ្លឺរបស់លោកស្រី សិ យីម ត្រូវជាម្តាយរបស់ជនរងគ្រោះ បានអោយដឹងថាឈ្មោះ កែ ប៊ុនថង ធ្លាប់ប្រើប្រាស់នូវសារធាតុញៀនយូរឆ្នាំណាស់មកហើយ គឺតាំងពីឆ្នាំ២០១៦ មកម្លេះ លុះមកដល់ឆ្នាំ២០១៧ និង២០១៨ ជនរងគ្រោះខាងលើ ធ្លាប់មានជំងឺសរសៃប្រសាទ ជួនកាល ដើរយំ ដើរសើចតែម្នាក់ឯង ហើយ និងមានធ្វើអ្វីប្លែកៗ
លុះដល់ល្ងាច ថ្ងៃទី២៩ ខែមករា ឆ្នាំ២០១៩ ឈ្មោះលីម ត្រូវជាឪពុកអង្គុយផឹកស្រានៅក្បែរផ្ទះជាធម្មតា ពេលនោះគាត់បានឃើញកូនរបស់គាត់ដើរកាន់ ក្រម៉ាពោះគោពណ៌ក្រហមចុះឡើងៗ នៅផ្ទះជាធម្មតា ហើយគាត់អត់បានចាប់អារម្មណ៍ថាមានរឿងបែបណឹងកើតឡើងទេ ស្មានថាវាទៅងូតទឹក ហើយគាត់ក៏បានបញ្ជាក់ផងដែរថា កូនរបស់គាត់ពុំដែលមានទំនាស់ជាមួយអ្នកជិតខាងឡើយ។
សមត្ថកិច្ចបានឲ្យដឹងថា កាពិនិត្យកន្លែងកើតហេតុ និងសព កន្លែងកើតហេតុ ស្ថិតនៅដើមឈើ ស្ថិតនៅខាងជើងផ្ទះជនរងគ្រោះចំងាយប្រហែល ២៥ម៉ែត្រ ក្នុងការពិនិត្យយើងពុំឃើញមានស្លាកស្នាមឬដានអ្វីគួរឲ្យកត់សម្គាល់ឡើយ
ឯនៅលើខ្លួនប្រាណសពវិញ ក៏គ្មានស្លាកស្នាមផ្សេងក្រៅពីក្រម៉ាចងកឡើយ។
តាមការសន្និដ្ឋាន របស់សមត្ថកិច្ច៖ សាកសពស្លាប់នៅចន្លោះម៉ោង៨ទៅ ម៉ោង៩យប់ ថ្ងៃទី២៩ ខែមករា ឆ្នាំ២០១៩ ជនរងគ្រោះពិតជាស្លាប់ដោយសាចងកធ្វើអត្តឃាតពិតប្រាកដមែន ៕
ចំនួនអ្នកទស្សនា
- ថ្ងៃនេះ6991
- ម្សិលមិញ11441
- សប្តាហ៍នេះ36821
- ខែនេះ151971
- ឆ្នាំនេះ151971
- សរុប20594427