គ្រោះថ្នាក់ចរាចរបណ្តាលអោយប្តីប្រពន្ធពីរនាក់ស្លាប់ និង ម្នាក់ទៀតរងរបួសធ្ងន់
06-February-2019 | ដោយ ពល បញ្ញា
ខេត្តកោះកុង៖ ប្តីប្រពន្ធពីរនាក់ រងរបួសធ្ងន់ និងស្លាប់ភ្លាមៗនៅនឹងកន្លែងកើតហេតុ ដោយម៉ូតូ ១ គ្រឿង បើកបុកនឹង ម៉ូតូ ១ គ្រឿងទៀត ក្នុងទិសដៅស្របគ្នា ខណៈពេលបត់ចូលចាក់សាំង នៅចំណុចភូមិ ២ សង្កាត់ដងទង់ ក្រុងខេមរភូមិន្ទ នៅវេលាម៉ោង ៦:៣០នាទីព្រឹក ថ្ងៃទី ៦ ខែកុម្ភៈ ឆ្នាំ២០១៩ ។
គូសបញ្ជាក់ថា ម៉ូតូ Dream C125 ពណ៌ខ្មៅ សេរីឆ្នាំ ២០១៨ ស្លាកលេខ ក.ក 1B-8213 បើកបរដោយឈ្មោះ លី ហានហ្វះ ភេទប្រុស អាយុ ៣៤ឆ្នាំ ជនជាតិ ខ្មែរឥស្លាម មុខរបរ នេសាទ មានទីលំនៅភូមិ ៤ សង្កាត់ដងទង់ ក្រុងខេមរភូមិន្ទ រងរបួសធ្ងន់ និងភរិយារួមដំណើរឈ្មោះ យូ អាយស៊ីយះ ភេទស្រី អាយុ ២៦ ឆ្នាំ ជនជាតិ ខ្មែរឥស្លាម មុខរបរ កម្មកររោងចក្រ បានស្លាប់ភ្លាមៗនៅនឹងកន្លែងកើតហេតុ រីឯជនបង្កបានរត់គេចខ្លួន។
ក្រោយកើតហេតុ ជនរងគ្រោះ ត្រូវបានសមត្ថកិច្ចបញ្ជូនទៅព្យាបាលនៅមន្ទីរបង្អែកខេត្ត ចំណែកសពរងគ្រោះ ប្រគល់ជូនសាច់ញាតិរៀបចំធ្វើបុណ្យតាមប្រពៃណី រីឯជនបង្កការសមត្ថកិច្ចកំពុងធ្វើការស្រាវជ្រាវ៕
ចំនួនអ្នកទស្សនា
- ថ្ងៃនេះ3871
- ម្សិលមិញ11441
- សប្តាហ៍នេះ33701
- ខែនេះ148851
- ឆ្នាំនេះ148851
- សរុប20591307