កម្លាំងនគរបាលគ្រឿងញៀន បញ្ជូនខ្លួនជនសង្ស័យ២នាក់ ទៅសាលាដំបូងខេត្ត
13-February-2019 | ដោយ ពលមនសិការ
សៀមរាប៖ កម្លាំងនគរបាលការិយាល័យប្រឆាំងគ្រឿងញៀនខេត្តសៀមរាបបានបញ្ជូនមុខសញ្ញាជួញដូរនិងប្រើប្រាស់គ្រឿងញៀន២នាក់ ទៅអយ្យកាយអមសាលាដំបូងខេត្តដើម្បីចាត់ការតាមនីតិវិធី នៅថ្ងៃទី១៣ ខែកុម្ភៈ ឆ្នាំ២០១៩នេះ។
មន្ត្រីនគរបាលខេត្តសៀមរាប បានឲ្យដឹងថាជនសង្ស័យត្រូវបានកម្លាំងជំនាញស្រាវជ្រាវឃាត់ខ្លួនកាលពីថ្ងៃទី១២ ខែកុម្ភៈ ឆ្នាំ២០១៩ វេលាម៉ោង២២និង៣០នាទី នៅចំណុចនៅភូមិមណ្ឌល២ សង្កាត់ស្វាយដង្គំ ក្រុង/ខេត្តសៀមរាប។
ជនសង្ស័យទី១-ឈ្មោះ ហៀន យឺត ភេទប្រុស មុខរបរមិនពិតប្រាកដ ទីលំនៅភូមិកំពង់ថ្កូវ ឃុំកំពង់ថ្កូវ ស្រុកក្រឡាញ់ ខេត្តសៀមរាប និងទី២-ឈ្មោះយន់ មុនីរៈ ភេទប្រុស មុខរបរមិនពិតប្រាកដ ទីលំនៅភូមិក្រឡាញ់ ឃុំក្រឡាញ់ ស្រុកក្រឡាញ់ ខេត្តសៀមរាប។
ដកហូតវត្ថុតាងមានៈម្សៅមេតំហ្វេ តាមីនប្រភេទទឹកកកចំនួន០៣កញ្ចប់ ស្មើនឹងទំងន់១១,៤ក្រាម (ទំងន់សុទ្ធ), សម្ភារៈវេចខ្ចប់គ្រឿងញៀនមួយចំនួន, ទូរស័ព្ទដៃចំនួន០៣គ្រឿង ៕
ចំនួនអ្នកទស្សនា
- ថ្ងៃនេះ4811
- ម្សិលមិញ11441
- សប្តាហ៍នេះ34641
- ខែនេះ149791
- ឆ្នាំនេះ149791
- សរុប20592247