សូមអ្នកបើកបរបង្កើនការប្រុងប្រយ័ត្នគ្រប់ពេលវេលា ព្រឹកមិញនេះ មានគ្រោះថ្នាក់ចរាចរណ៍ទៀតហើយ នៅស្រុកព្រៃនប់
18-February-2019 | ដោយ ពលមនសិការ
ព្រះសីហនុ៖ ព័ត៌មានប្រចាំថ្ងៃរបស់ស្នងការដ្ឋាននគរបាល ខេត្តព្រះសីហនុ បានឲ្យដឹងថា៖ នៅវេលាម៉ោង ប្រមាណ ៨:៣០នាទី ថ្ងៃទី១៨ ខែកុម្ភៈ ឆ្នាំ២០១៩ ថ្មីៗនេះ តាមផ្លូវជាតិលេខ៤ គីឡូម៉ែត្រ ១៧៦-១៧៧ ភូមិត្រពាំងមូល ឃុំជើងគោ ស្រុកព្រៃនប់ មានគ្រោះថ្នាក់ចរាចរណ៍មួយកើតឡើង រវាង រថយន្ត ១គ្រឿងម៉ាក PRUIS ពណ៌ស គ្មានស្លាកលេខ អ្នកបើកបរឈ្មោះ សុង សំ ភេទ ប្រុស អាយុ ៣៧ឆ្នាំ មានទីលំនៅស្រុកកំពង់សិលា ខេត្តព្រះសីហនុ មានទិសដៅពីព្រះសីហនុ ទៅកំពង់សិលា លុះដល់ចំណុចខាងលើ បានបត់ឆ្វេង ឆ្លងកាត់ផ្លូវ បន្ទាប់មកក៏មានរថយន្តធុនធំ មកពីខាងក្រោយជ្រុលចង្កូតកៀរធ្លាក់ផ្លូវទាំងពីរ រថយន្តម៉ាក HYUNDAI ពណ៌ស គ្មានផ្លាកលេខ អ្នកបើកបរឈ្មោះ ជា រ៉ាវី ភេទ ប្រុស អាយុ ២៥ឆ្នាំ មានទីលំនៅ ស្រុកគងពិសី ខេត្តកំពង់ស្ពឺ។
គ្រោះថ្នាក់នេះពុំបណ្ដាលឲ្យមានអ្នករងរបួសទេ ប៉ុន្តែរថយន្ត ២គ្រឿង ខូចខាតបង្គួរ។ សមត្ថកិច្ចបានចាត់ចែង យកមករក្សាទុកនៅអធិការដ្ឋាននគរបាលស្រុកព្រៃនប់ ដើម្បីដោះស្រាយបន្ត ។
ចំនួនអ្នកទស្សនា
- ថ្ងៃនេះ3491
- ម្សិលមិញ11441
- សប្តាហ៍នេះ33321
- ខែនេះ148471
- ឆ្នាំនេះ148471
- សរុប20590927