មុខសញ្ញាប្រើប្រាស់គ្រឿងញៀន៣នាក់ ត្រូវនគរបាលឃាត់ខ្លួន
21-February-2019 | ដោយ ពលមនសិការ
ភ្នំពេញ៖ ជនសង្ស័យ៣នាក់ ប្រើប្រាស់ដោយខុសច្បាប់នូវសារធាតុញៀន ត្រូវបានកម្លាំងនគរបាលខណ្ឌឫស្សីកែវ សហការជាមួយកម្លាំងនគរបាលប៉ុស្តិ៍ឃាត់ខ្លួន នៅថ្ងៃទី២១ ខែកុម្ភៈ ឆ្នាំ២០១៩ វេលាម៉ោង១០៖៣០នាទី នៅចំណុចផ្លូវជាតិលេខ៥ស្ថិតក្នុងក្រុមទី១ ភូមិស្វាយប៉ាក សង្កាត់ស្វាយប៉ាកខណ្ឌឫស្សីកែវ រាជធានីភ្នំពេញ។
លោកវរសេនីយ៍ឯក គល់ យី អធិការនគរបាលខណ្ឌឫស្សីកែវ បានឲ្យដឹងថាជនសង្ស័យទី១-ឈ្មោះ ហី លីហ្សា ភេប្រុស អាយុ២០ឆ្នាំ ជនជាតិខ្មែរ មានទីលំនៅភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ មុខរបរជាងភ្លើង, ទី២-ឈ្មោះ គាំ វាសនា ភេទប្រុស អាយុ១៧ឆ្នាំជនជាតិខ្មែរ មានទីលំនៅភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ មុខរបរមិនពិតប្រាកដ និងទី៣-ឈ្មោះ ណាត សុងហេង ភេទប្រុស អាយុ២៤ឆ្នាំ ជនជាតិខ្មែរ មានទីលំនៅភូមិបឹង សង្កាត់ ពញាពន្ធ ខណព្រែកព្នៅ រាជធានីភ្នំពេញ មុខរប កម្មករ។
សម្ភារៈដកហូតមានៈ ឧបករណ៍សម្រាប់ប្រើប្រាស់គ្រឿងញៀនមួយចំនួន, ម៉ូតូចំនួន០១គ្រឿង ម៉ាក់ហុងដា សេ១២៥ ពណ៌ក្រហម ពាក់ស្លាកលេខ ភ្នំពេញ 1GV- 2113។ បច្ចុប្បន្នកម្លាំងជំនាញកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តតាមនិតិធី ៕
ចំនួនអ្នកទស្សនា
- ថ្ងៃនេះ4311
- ម្សិលមិញ11441
- សប្តាហ៍នេះ34141
- ខែនេះ149291
- ឆ្នាំនេះ149291
- សរុប20591747