ទឹកអាងត្រពាំងថ្ម កំពុងរីងស្ងួត ប៉ះពាល់មច្ឆាជាតិ បក្សីដែលកម្រអភិរក្ស រាប់រយប្រភេទ
22-February-2019 | ដោយ ពលមនសិការ
បន្ទាយមានជ័យ៖ ទឹកអាងត្រពាំងថ្ម កំពុងរីងស្ងួតប៉ះពាល់មច្ឆាជាតិ និងបក្សីដែលអភិរក្សរាប់រយប្រភេទ និងតំបន់រម្មណីយដ្ឋាន ក្រសួងជំនាញបានសុំបើកទឹកពីខេត្តឧត្តរមានជ័យ រយៈពេល៧ថ្ងៃ សុំ១លានម៉ែត្រគីបទឹក ចូលអាងដើម្បីសង្គ្រោះមច្ឆាជាតិ និងបក្សីដែលកម្រ។
លោក យឹម សំណាង អភិបាលស្រុកភ្នំស្រុក បានឱ្យដឹងថាអាងត្រពាំងថ្មស្រុកភ្នំស្រុក គឺជួបរាំងស្ងួតរយៈពេលជាង ១សប្តាហ៍មកហើយបណ្តាលឲ្យមច្ឆាជាតិ និងបក្សីដែលអភិរក្សក្នុងអាងត្រពាំងថ្ម ប្រឈមស្លាប់ បើគ្មានទឹកបញ្ចូលក្នុងអាងព្រោះទឹកនៅសល់តាមប្រឡាយក្នុងអាងដែលមានស្ថានភាពទឹកល្អកក្តៅមានស្លែរច្រើនប្រឈមមច្ឆាជាតិនិងបក្សីស្លាប់បាន។
លោកបានបញ្ជាក់ថា ក្រោយពេលទឹករីងពីអាងត្រពាំងថ្មស្រុកភ្នំស្រុកអាជ្ញាធរមានការព្រួយបារម្ភចំពោះមច្ឆាជាតិត្រូវបានជនមួយចំនួនលួចឆក់និងចាប់បានអោយកម្លាំងអធិការដ្ឋាននគរបាល និងកម្លាំងកងរាជអាវុធហត្ថស្រុកប្រជាការពារភូមិ ចូលរួមការពារទាំងយប់ និងថ្ងៃដើម្បីការពារមច្ឆាជាតិ និងបក្សីដែលត្រូវអភិរក្សនៅក្នុងអាងត្រពាំងថ្មរាប់រយប្រភេទដែលជាសត្វកម្រ និងជាតំបន់រម្មណីយដ្ឋាន។
លោក យឹម សំណាង បានបន្ថែមថា ដោយបានការយកចិត្តទុកដាក់ពីក្រសួងធនធានទឹក និងឧតុនិយម ហើយមន្ទីរជំនាញរួមជាមួយអាជ្ញាធរស្រុកបានយកគ្រឿងចក្រប្រភេទអ៊ែស្កាចំនួន៥គ្រឿង កាយទំលាក់ទឹកពីចំណុចទំនប់(អាដ)ខេត្តឧត្តរមានជ័យបង្ហូចូលមកអាងត្រពាំងថ្ម។ ដែលចាប់កាយពីថ្ងៃទី២១ ខែកុម្ភៈ ឆ្នាំ២០១៩ម្សិលមិញដែលមានគ្រឿងចក្រចំនួន៤គ្រឿង កាយជម្រៅ១ម៉ែត្រ និងទទឹង១ម៉ែត្រកន្លះកាយបានប្រវែងជាង៣,០០០ម៉ែត្រ ហើយនៅសល់ប្រវែងជាង៤,០០០ម៉ែត្រ ទៀតអាចថាកាយនៅថ្ងៃទី២២ ខែកុម្ភៈ ឆ្នាំ២០១៩នេះ ដែលមានគ្រឿងចក្រប្រភេទអ៊ែស្កាចំនួន៥គ្រឿង អាចថារួចរាល់ហើយបានបង្ហូរទឹកចូលអាងត្រពាំងថ្មដែលរហូរទឹករយៈពេល៧ថ្ងៃអាចថាបានប្រមាណជាង១លានម៉ែត្រគីប។
លោកបានបន្តថា អាងត្រពាំងថ្មនេះជាលើកទី២ ហើយដែលត្រូវបានរីងស្ងួតកាលពីឆ្នាំ២០១៥ បណ្តាលឲ្យមច្ឆាជាតិ ងាប់និងបក្សីដែលអភិរក្សអត់ទឹកហើយនៅអំឡុងខែកុម្ភៈ ឆ្នាំ២០១៩នេះ កំពុងប្រឈមការរីងស្ងួតកណ្តាលអាងអស់ទឹក នៅសល់ទឹក ក្នុងប្រឡាយជុំវិញអាងដែលមានទំហំអាងត្រពាំងថ្មស្រុកភ្នំស្រុកប្រវែងប្រមាណជិត១០គីឡូម៉ែត្របួនជ្រុងនៅរដូវវស្សាផ្ទៃទឹកដែលពេញមានប្រមាណជិត២លានម៉ែត្រគីប។ មូលហេតុដែលអាងត្រពាំងថ្មប្រឈមរីងស្ងួតប៉ះពាលដល់បច្ឆាជាតិនិងបក្សីដែលអភិរក្សគឺបណ្តាលមកពីកក្តាឆ្នាំនេះកាលពីរដូវវស្សាមានទឹកភ្លៀង១មេនិងផ្គួមផ្សំប្រជាកសិករធ្វើស្រូវប្រាំងច្រើនផងទើបបណ្តាលទឹករីងស្ងួត ៕
ចំនួនអ្នកទស្សនា
- ថ្ងៃនេះ3731
- ម្សិលមិញ11441
- សប្តាហ៍នេះ33561
- ខែនេះ148711
- ឆ្នាំនេះ148711
- សរុប20591167