ផឹកស៊ីស្រវឹង គងពាក្យសម្តីគ្នាវាយមួយដងចប ត្រូវនគរបាលចាប់ខ្លួន
22-February-2019 | ដោយ ពលមនសិការ
ព្រៃវែង៖ កម្លាំងនគរបាលស្រុកស្វាយអន្ទរ ឃាត់ខ្លួនបុរសម្នាក់ ករណីហិង្សាដោយចេតនា នៅថ្ងៃទី២១ ខែកុម្ភៈ ឆ្នាំ២០១៩ វេលាម៉ោង១៨និង៣០នាទី នៅចំណុចភូមិត្រពាំងតាមោក ឃុំពានរោង ស្រុកស្វាយអន្ទរ ខេត្តព្រៃវែង។
មន្ត្រីនគរបាលខេត្តព្រៃវែង បានឲ្យដឹងថាជនបង្កខាងលើឈ្មោះ មាវ គា ភេទប្រុស អាយុ៤៦ឆ្នាំ នៅភូមិត្រពាំងតាមោក ឃុំពានរោង ស្រុកស្វាយអន្ទរ បានយកដងចបវាយទៅលើឈ្មោះ គាន់ ហឿន ភេទប្រុស អាយុ៤១ឆ្នាំ នៅភូមិឃុំជាមួយគ្នា បណ្តាលអោយរងរបួស ធ្ងន់បញ្ជួនទៅសង្គ្រោះនៅមន្ទីពេទ្យខេត្ត ព្រៃវែង។
មន្ត្រីនគរបាលដដែលបន្តថា មូលហេតុ ជម្លោះពាក្យសំដីក្នុងពេលផឹកស៊ីជាមួយគ្នា។ បច្ចុប្បន្នជនបង្ករបានឃាត់ខ្លួនមកសាកសួរនៅអធិការដ្ឋាន នគរបាលស្រុកស្វាយអន្ទរ ដើម្បីចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ2491
- ម្សិលមិញ11441
- សប្តាហ៍នេះ32321
- ខែនេះ147471
- ឆ្នាំនេះ147471
- សរុប20589927