គ្រោះអគ្គីភ័យជាមហន្តរាយធ្ងន់ធ្ងរនិងត្រូវចូលរួមបង្កាទប់ស្កាត់ទាំងអស់គ្នា
22-February-2019 | ដោយ ពលមនសិការ
ក្រចេះ៖ នៅក្នុងទិវាជាតិបង្ការនិងពន្លត់អគ្គិភ័យលើកទី៤ ដែលប្រារព្ធធ្វើឡើងនៅស្នងការដ្ឋាននគរបាល ខេត្តក្រចេះ នៅថ្ងៃទី២២ ខែកុម្ភៈ ឆ្នាំ២០១៩ អាជ្ញាធរខេត្ត បានចាត់ទុកគ្រោះអគ្គីភ័យ ជាមហន្តរាយធ្ងន់ធ្ងរមួយ និងបានប្រកាសឱ្យមានការរួមគ្នាចូលរួមបង្កានិងទប់ស្កាត់ទាំងអស់គ្នា ខណៈស្ថិតិ នៃស្ថានភាពគ្រោះអគ្គីភ័យ ដែលកើតមាននៅខេត្តក្រចេះជារៀងរាល់ឆ្នាំ គឺនៅមិនទាន់មានចំនួនថមថយនៅ ឡើយទេនោះ។
ពិធីនេះមានការចូលរួមពីមន្ត្រីរាជការអាជ្ញាធរស្រុកក្រុងទូទាំង ខេត្តប្រមាណជាង៥០០នាក់ និងធ្វើបទបង្ហាញ ពីវិធីទប់ស្កាត់ និងពន្លត់អគ្គិភ័យ ពីសំណាក់កម្លាំងនគរបាលជំនាញ នៃស្នងការរដ្ឋាននគរបាលខេត្តក្រចេះ។
បើតាមរបការណ៍របស់លោកឧត្តមសេនីយ៍ត្រី ច្រឹង ផល្លី ស្នងការរងទទួលបន្ទុក អាវុធជាតិផ្ទុះនិងអគ្គិភ័យ បានបង្ហាញពីស្ថិតិគ្រោះថ្នាក់បណ្តាលមកពីអគ្គីភ័យ នៅក្នុងឆ្នាំ ២០១៨នៅខេត្តក្រចេះ ឱ្យដឹងថា បានកើតមានឡើងចំនួន១៦លើក លើ១៦លើក បើប្រៀប ធៀប ទៅនិងឆ្នាំ២០១៧ គឺមានតួរលេខស្មើរគ្នា។ ករណីនេះបានកើតមានឡើងនៅស្រុកស្នួល ៥លើកឆេះផ្ទះ៤ផ្ទះនិងរោងដាក់សម្ភារះ១ ,ស្រុកសំបូរ៤លើក បណ្តាលឱ្យឆេះផ្ទះ៤ផ្ទះ ស្រុកឆ្លូង១លើកបណ្តាលឱ្យឆេះផ្ទះ១ផ្ទះ, ស្រុកចិត្របុរី៣លើកបណ្តាលឱ្យឆេះផ្ទះអស់ចំនួន ៦ផ្ទះ និងស្រុកព្រែកប្រសព្វចំនួន៣លើក បណ្តាលឱ្យឆេះផ្ទះអស់ចំនួន៣ផ្ទះ។ មហន្តរាយ គ្រោះអគ្គីភ័យខាងលើ បានបណ្តាលឱ្យរងរបួសមនុស្សចំនួន៣នាក់ស្រី១នាក់ ឆេះ១៨ផ្ទះ ឆេះកុដ្ឋព្រះសង្ឃ រោងដាក់សម្ភាភារ សរុបការខាងបងអស់រាប់សិបលានរៀល។
លោកឧត្តមសេនីយ៍ស្នងការរងបានបញ្ជាក់បន្ថែមថា ការដែលអគ្គិភ័យកើតឡើងដោយ សារកត្តា មួយចំនួនក្នុងនោះបញ្ហាភ្លើងធូប ទៀន ចង្ក្រាន ហ្គាស់ ផាវ កាំជ្រូច បារី ចំហេះអគ្គិសនី ដុតសំរាម គ្រឿងផ្ទុះ ទុស្សេខ្សែភ្លើងជាដើម។
អភិបាលរងខេត្តក្រចេះ ឯកឧត្តម ជាក់ ម៉េងហ៊ាង ដែលបានអញ្ជើញជាអធិបតីក្នុងការ ប្រារព្ឋទិវាជាតិបង្ការនិងពន្លត់អគ្គិភ័យ បានមានប្រសាសន៍ អំពាវនាវឱ្យពលរដ្ឋទាំងអស់គ្នា ចូលរួមទប់ស្កាត់ បង្ការ ការពារគ្រប់ពេលកាល:ទេស: ។ ពិសេសទៀតនោះ ឯកឧត្តមអភិ បាលរងខេត្ត បានជម្រុញឱ្យនគរបាលជំនាញ ត្រូវមានការប្រុងប្រយ័ត្នខ្ពស់ត្រៀមសម្ភារៈឱ្យ បានគ្រប់គ្រាន់ ដើម្បីត្រៀមសង្គ្រោះនៅរាល់ហេតុការណ៍គ្រោះអគ្គីភ័យ ដែលនិងបានកើត មានឡើងឱ្យទាន់ពេលវេលា៕
ចំនួនអ្នកទស្សនា
- ថ្ងៃនេះ3881
- ម្សិលមិញ11441
- សប្តាហ៍នេះ33711
- ខែនេះ148861
- ឆ្នាំនេះ148861
- សរុប20591317