រថយន្តធុនធំរបស់កងដឹកជញ្ជូន\"ឆ.ន\" បុកចូលផ្ទះប្រជាពល រដ្ឋ និងបង្កគ្រោះថ្នាក់ជាញឹកញាប់
27-February-2019 | ដោយ ពលមនសិការ
ភ្នំពេញ៖ រថយន្តដឹកជញ្ជូនធុនធំមួយគ្រឿងដែលបិទស្លាកសញ្ញា"កងដឹកជញ្ជូន ឆ.ន" បានបោលបុកចូលផ្ទះប្រជាពលរដ្ឋទាំងកំរោល នៅថ្ងៃពុធ ៨រោច ខែមាឃ ឆ្នាំច សំរឹទ្ធស័ក ព.ស២៥៦២ ត្រូវនឹងថ្ងៃទី២៧ ខែកុម្ភៈ ឆ្នាំ២០១៩ នៅវេលាម៉ោ២៤នឹង៣៥នាទី នៅចំណុចស្តុបចំការដូង ចូលសាលាកសិកម្ម ស្ថិតតនៅក្នុងភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ។
យោងតាមរបាយការណ៍ពីសមត្ថកិច្ចនគរបាលបានឲ្យដឹងថាមុនពេលកើតហេតុ មានរថយន្តមួយគ្រឿងម៉ាកហ៊ីយ៉ានដាយ ពណ៌ស ខៀវ ពាក់ស្លាកលេខតាកែវ ៣A-១៩៥៩ បិទស្លាកសម្គាល់”កងដឹកជញ្ជូន ឆ.ន” (អ្នកបើកបរពុំស្គាល់អត្តសញ្ញាណា) បើកបរពីលិចទៅកើត ពេលមកដល់កន្លែងហេតុរថយន្តរេចង្កូតបុកចូលផ្ទះតែម្តង ។
ចំណែកផ្ទះ ឈ្មោះប៉ែន សុខលី ភេទប្រុស អាយុ៣៧ឆ្នាំ មុខរបរជាងកាត់សក់ មានទីលំនៅភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ។
បច្ចុប្បន្នគ្រោះថ្នាក់ចរាចរណ៍ខាងលើ(ម្ចាស់ផ្ទះគាត់មិនសហការជាមួយសម្ថតកិច្ចមិនប្រគល់រថយន្តអោយសមត្ថកិច្ច)។
មូលហេតុៈមកពីភាគីរថយន្តបើកបរខ្វះការប្រុងប្រយ័ត្ន ។ សម្ភារៈខូចខាត រថយន្តនិងផ្ទះរងការខូចខាតធ្ងន់។
សូមបញ្ជាក់ថា រថយន្តរបស់"កងដឹកជញ្ជូន ឆ.ន" តែងតែបង្កគ្រោះថ្នាក់ជាញឹកញ៉ាប់ៈ កាលពីវេលាម៉ោង២៣និង៤០នាទី ថ្ងៃទី១៨ ខែមីនា ឆ្នាំ២០១៧ ត្រង់ចំនុចមុខរោងចក្រទឹកកក ភូមិទី៨ សង្កាត់ខ្សាម ក្រុងកំពង់ឆ្នាំង មានករណីគ្រោះថ្នាក់ចរាចរណ៍ រវាងរថយន្តដឹកទំនិញ របស់ឧកញ៉ាម្នាក់មានឥទ្ធិពល (សុំមិនបញ្ចេញឈ្មោះ)និងរថយន្ត (កងដឹកជញ្ជូន ឆ.ន)។
រថយន្តដឹកទំនិញមួយគ្រឿងដែលមានបិទស្លាកសញ្ញាជាប់ទ្វាដាក់ថា(កងដឹកជញ្ជូន ឆ.ន) សង្ស័យអ្នកបើកងងុយដេកបានជ្រុលទៅបុករបាំងថ្មពុះចែកទ្រូងផ្លូវអោយរងការ ខូចខាតចំនួន០៤កង់ អ្នកបើករថយន្តកេចខ្លួនបាត់ក្រោយពីបង្ក។ ហេតុការណ៍នេះកើតឡើងកាលពីម៉ោង០៣និង១៥នាទីទាបភ្លឺថ្ងៃទី០៥ ខែវិច្ឆិកា ឆ្នាំ ២០១៧ នៅចំណុចកំណាត់ផ្លូវសហព័ន្ធរុស្សីភូមិព្រៃជីសាក់ សង្កាត់ចោមចៅ ខណ្ឌពោធិ៍សែនជ័យ។
រថយន្ដមួយគ្រឿងដឹកស្រូវពេញរបស់កងដឹកជញ្ជូន ឆ.ន បើកវ៉ាជែងគ្នារ៉េចង្កូតឡើងលើសួនច្បារ ពុះ ចែកទ្រូងផ្លូវបណ្តាលឱ្យដាច់ការឡេកង់ទៅមុខលែងរួចក្រោយកើតហេតុអ្នកបើកបររត់គេចខ្លួនបាត់។
ហេតុការណ៍នេះ បានកើតឡើងកាលពីវេលម៉ោង ៨និង២០នាទីព្រឹកថ្ងៃទី៣០ ខែវិច្ឆិកា ឆ្នាំ២០១៦ នៅតាមបណ្តោយផ្លូវជាតិលេខ៥ ត្រង់ចំណុចមុខផ្ទះ (សៅវណ្ណ លក់ភេជ្ជៈគ្រប់មុខ) ស្ថិតនៅក្នុងភូមិមង្គល សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។
រថយន្តកងដឹកជញ្ជូន ឆ.ន ប្រភេទយីឌុប១គ្រឿង ដឹកត្រីពីវៀតណាមចូលមកកម្ពុជាពេញរថយន្ត សង្ស័យគ្មានច្បាប់អនុញ្ញាត ហើយលើសទម្ងន់ផងដែរនោះ បានបង្កគ្រោះថ្នាក់ចរាចរណ៍បុករថយន្តកូរ៉េ១គ្រឿង ចំណុះ១តោនកន្លះ ដែលបម្រុងបើកឆ្លងផ្លូវ បណ្តាលឲ្យរងនូវការខូចខាតយ៉ាងដំណំ តែមិនបណ្តាលឲ្យគ្រោះថ្នាក់ដល់អាយុជីវិតមនុស្សឡើយ។
ហេតុការណ៍នេះ បានកើតឡើងនៅវេលាម៉ោង៧ និង៤០នាទីយប់ ថ្ងៃសុក្រ ១រោច ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២ ខែមីនា ឆ្នាំ២០១៨ នៅលើកំណាត់ផ្លូវវ៉េងស្រេង ទល់មុខកុងស៊ីកាប់ជ្រូក ស្ថិតក្នុងភូមិដំណាក់ធំ៥ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ៕
ចំនួនអ្នកទស្សនា
- ថ្ងៃនេះ3531
- ម្សិលមិញ11441
- សប្តាហ៍នេះ33361
- ខែនេះ148511
- ឆ្នាំនេះ148511
- សរុប20590967