បុរសម្នាក់ យកកាំបិតចុងស្រួចដងដែកមកអារកខ្លួនឯង បណ្តាលឱ្យស្លាប់ សង្ស័យជាមនុស្ស ប្រើប្រាស់គ្រឿនញៀន
11-March-2019 | ដោយ ពលមនសិការ
សៀមរាប៖ យុវជនម្នាក់បានយកកាំបិតចុងស្រួច ដងដែកមកអារកខ្លួនឯង ដោយសង្ស័យជាមនុស្សប្រើប្រាស់គ្រឿនញៀន។ នេះបើតាមមន្ត្រីនគរបាលមូលដ្ឋានបានថ្លែងប្រាប់អោយដឹងថា៖ ហេតុការណ៍នេះបានកើតឡើងនៅថ្ងៃទី១០ ខែមីនា ឆ្នាំ២០១៩ វេលាម៉ោង ១៧និង១០នាទី ស្ថិតនៅចំណុចក្នុងវត្តព្រះព្រហ្មរ័ត្ន ភូមិមណ្ឌល១ សង្កាត់ស្វាយដង្គំ ក្រុងសៀមរាប ខេត្តសៀមរាប មានករណី ធ្វើអត្តឃាត (អារកខ្លួនឯង)។
បើតាមមន្ត្រីនគរបាលដដែលបញ្ជាក់អោយថា៖សាកសពឈ្មោះ ពេជ្រ សុខសម្បត្តិ ភេទប្រុស អាយុ ៣៦ឆ្នាំ មុខរបរគ្មាន មានទីលំនៅបច្ចុប្បន្ន ភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប បានដើរចូលទៅក្នុងវត្តព្រះព្រហ្មរ័ត្ន យកកាំប៊ិតចុងស្រួច ដងដែកមកអារក មានស្នាមអារដាចបំពង់មានប្រវែង០.២៥សម (ប៉ុន្តែមិនដឹងយកកាំប៊ិតមកពីណានោះទេ)។
ក្រោយមកសមត្ថកិច្ចការិយាល័យបច្ចេកទេស ចុះមកពិនិត្យសាកសពជនរងគ្រោះ ឃើញថាជនរងគ្រោះបានអាករដោយខ្លួនឯងពិតប្រាកដមែន មិនមានពាក់ព័ន្ធបទល្មើសអ្វីឡើយ ពីព្រោះជនរងគ្រោះជាមនុស្សប្រើប្រាស់គ្រឿនញៀន។ ចំពោះសាកសពជនរងគ្រោះត្រូវបានប្រគល់ជូនឪពុកម្តាយនិងក្រុមគ្រួសារយកទៅធ្វើបុណ្យតាមប្រពៃណី ៕
ចំនួនអ្នកទស្សនា
- ថ្ងៃនេះ631
- ម្សិលមិញ11441
- សប្តាហ៍នេះ30461
- ខែនេះ145611
- ឆ្នាំនេះ145611
- សរុប20588067