ម៉ូតូបុកនិងម៉ូតូ បណ្តាលអោយមនុស្សរងបួសចំនួន០៥នាក់
11-March-2019 | ដោយ ពលមនសិការ
ប៉ៃលិន៖ កាលពីវេលាម៉ោង១៧និង៥០នាទីល្ងាច ថ្ងៃអាទិត្យ ៥កើត ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១០ ខែមីនា ឆ្នាំ២០១៩ មានករណីគ្រោះថ្នាក់ចរាចរណ៍រវាងម៉ូតូបុកនិងម៉ូតូមួយកើតឡើង នៅចំណុចមុខទឹកស្អាតស្ថិតនៅភូមិបរហ៊ុយជើងសង្កាត់បរយ៉ាខា ក្រុងប៉ៃលិន ខេត្តប៉ៃលិន បណ្តាលអោយមនុស្សរងបួសចំនួន០៥នាក់ ស្រាល០១នាក់ ធ្ងន់ចំនួន០៤នាក់ និងខូចខាតម៉ូតូចំនួន ០២គ្រឿង។
សមត្ថកិច្ចបានឱ្យដឹងថាអ្នកបង្ករឈ្មោះ ជា សុខេន ភេទប្រុស អាយុ១៧ឆ្នាំ បើកបរម៉ូតូម៉ាកHonda Dream C125 ពណ៌ខ្មៅ ផលិតឆ្នាំ២០១៧ ពាក់ស្លាកលេខ ប៉ៃលិន 1C-2351 ទិសដៅពីត្បូងទៅជើង រងរបួសធ្ងន់ ឈ្មោះ រឹម រិទ្ធ ភេទប្រុស អាយុ ២០ឆ្នាំ អ្នកទាំងពីរទី២.រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ជាអ្នករួមដំណើ រងរបួសស្រាល ។ ទី៣-ភាគីរងគ្រោះឈ្មោះ រស់ សេរីវឌ្ឍ ភេទប្រុស អាយុ៣០ឆ្នាំ មុខរបរពេទ្យទាហ៊ាន បើកបរម៉ូតូម៉ាក Honda Scoopy ពណ៌ខ្មៅ ពាក់ស្លាកលេខ ភ្នំពេញ 1BC-6006 បើកបរច្រាស់ទិសគ្នា រងរបួសធ្ងន់ ទី៤-អ្នករួមដំណើរឈ្មោះ ធី ភេទស្រី អាយុ២៥ឆ្នាំ មុខរបរមេផ្ទះ រងរបួសធ្ងន់ ទី៥-អ្នករួមដំណើរឈ្មោះ គន្ធា ភេទស្រី អាយុ១៤ឆ្នាំ មុខរបរសិស្ស អ្នកទាំងបីមានទីលំនៅបច្ចុប្បន្នភូមិបរឌិននៀវ សង្កាត់ប៉ៃលិន ក្រុងប៉ៃលិន ខេត្តប៉ៃលិន។
មូលហេតុបណ្តាលមកពីកត្តាមនុស្សបើកបរខ្វះការប្រុងប្រយ័ត្ន មិនប្រកាន់ស្តាំ។ ករណីខាងលើនេះកម្លាំងជំនាញចរាចរណ៍ នៃអធិការដ្ឋាននគរបាលក្រុងប៉ៃលិន បានធ្វើការវាស់វែង និងយកយានបង្ករទាំងពីរគ្រឿងទៅរក្សាទុកជាបណ្តោះអាសន្នៅអធិការដ្ឋាន ដើម្បីរង់ចាំធ្វើការដោះស្រាយ ចំណែកជនរងគ្រោះត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនៅមន្ទីរពេទ្យបង្អែកខេត្តប៉ៃលិន ៕
ចំនួនអ្នកទស្សនា
- ថ្ងៃនេះ631
- ម្សិលមិញ11441
- សប្តាហ៍នេះ30461
- ខែនេះ145611
- ឆ្នាំនេះ145611
- សរុប20588067