កម្លាំងនគរបាលប៉ុស្តិ៍ភ្នំពេញថ្មី ឃាត់ខ្លួនជនសង្ស័យម្នាក់ ករណីអំពើលួច
22-March-2019 | ដោយ ពលមនសិការ
ភ្នំពេញ៖ កម្លាំងនគរបាលប៉ុស្តិ៍ភ្នំពេញថ្មី ឃាត់ខ្លួនជនសង្ស័យម្នាក់ ករណីអំពើលួច (ប៉ុនប៉ងលួចទ្រព្យសម្បត្តិ) នៅចំណុចក្នុងការដ្ឋានសំណង់កំពុងសាងសង់ ផ្លូវ១០០៣ ភូមិទំនប់ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ នៅថ្ងៃទី២១ ខែមីនា ឆ្នាំ២០១៩ វេលាម៉ោង១៧និង៣០នាទី។
លោកវរសេនីយ៍ឯក ហ៊ួរ ម៉េងវ៉ាង អធិការនគរបាលខណ្ឌសែនសុខបានឱ្យដឹងថាជនសង្ស័យឈ្មោះ ម៉ា រដ្ឋា ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅផ្ទះលេខ២៦៤ ផ្លូវ៩២ ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ (មានសារធាតុញៀន)។
ជនរងគ្រោះឈ្មោះ សាយនី យូស៊ុន ភេទប្រុស អាយុ៣៩ឆ្នាំ ជានជាតិខ្មែរ មុខរបរមេការសំណង់ ស្នាក់នៅផ្ទះលេខបេ៦ ផ្លូវបេតុង ភូមិវិមានទ្រុង សង្កាត់ក្រាំងធ្នង់ ខណ្ឌសែនសុខ។
សម្ភារៈបន្សល់ទុក៖ម៉ូតូ០១គ្រឿង ម៉ាកសង់កូរ៉េ គ្មានស្លាកលេខ របស់ជនសង្ស័យ។ សម្ភារៈខូចខាត៖ខូចស័ង្កសី០៤ សន្លឹក។
លោកអធិការបន្តថា មុនពេលកើតហេតុ ជនរងគ្រោះកំពុងនៅក្នុងការដ្ឋានសំណង់ ចំណុចកើតហេតុខាងលើ បានឮសំឡេងក្រាកៗ ភ្លាមនោះជនរងគ្រោះបានចេញមកមើលឃើញជនសង្ស័យ កំពុងហែកស័ង្កសី រួចជនរងគ្រោះស្រែកថាចោរៗ និងនាំគ្នាដេញចាប់បានជនសង្ស័យខាងលើ ប្រគល់ឲ្យសមត្ថកិច្ចប៉ុស្តិ៍បាលភ្នំពេញថ្មីសាកសួរ រួចជនរងគ្រោះបានដាក់ពាក្យបណ្តឹងចោទប្រកាន់ ជនសង្ស័យតែម្តង ។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ2041
- ម្សិលមិញ11441
- សប្តាហ៍នេះ31871
- ខែនេះ147021
- ឆ្នាំនេះ147021
- សរុប20589477