កម្លាំងនគរបាលប៉ុស្តិ៍រដ្ឋបាលបឹងកក់១ ឃាត់ខ្លួនជនសង្ស័យម្នាក់ជាក់ស្ដែងពីបទលួចមានស្ថានទម្ងន់ទោស
28-March-2019 | ដោយ ពលមនសិការ
ភ្នំពេញ៖ កម្លាំងនគរបាលប៉ុស្តិ៍រដ្ឋបាលបឹងកក់១ នៃអធិការដ្ឋាននគរបាលខណ្ឌទួលគោក បានបង្ក្រាបនិងឃាត់ខ្លួនជនសង្ស័យម្នាក់ជាក់ស្ដែងពីបទលួចមានស្ថានទម្ងន់ទោស (ឆ្កិះសោរផ្ទះចូលលួចម៉ាស៊ីនត្រជាក់) នៅចំណុចផ្ទះជួលលេខ២១ផ្លូវ ២៨១កែង៥២៨ ក្រុមទី៥២ ភូមិ១៣ សង្កាត់បឹងកក់១ខណ្ឌទួលគោក រាជធានីភ្នំពេញ នៅថ្ងៃទី២៨ ខែមីនា ឆ្នាំ២០១៩ វេលាម៉ោងប្រហែល០៥នឹង៣០នាទី។
លោកវរសេនីយ៍ទោ សុខ ហេង អធិការនគរបាលខណ្ឌ បានឱ្យដឹងថាជនសង្ស័យឈ្មោះ សុខ សុវណ្ណារ៉ា ភេទប្រុស អាយុ២០ឆ្នាំ ជនជាតិខ្មែរ មុខរបរពុំពិតប្រាកដ ស្នាក់នៅដេកចល័តផ្លូវរទេះភ្លើងសង្កាត់បឹងកក់២ ខណ្ឌទួលគោក រាជធានីភ្នំពេញ (មុខសញ្ញាប្រើប្រាស់គ្រឿងញៀនជាប្រចាំ ធ្លាប់ជាប់មណ្ឌលកែប្រែ)។
វត្ថុតាងចាប់យក៖ម៉ូតូមួយគ្រឿងម៉ាក ស៊ុយៗគីស្មាស់ពណ៌ខ្មៅពាក់គ្មានស្លាកលេខ ដែលមានលេខតួនិងលេខម៉ាស៊ីន គ្មានលេខតួ៦០៥៤៦៩ (ជារបស់ជនសង្ស័យជិះធ្វើសកម្មភាព), ក្បាលម៉ាស៊ីនត្រជាក់ម៉ាកសាំស៊ុងចំនួន០១, ដែកកែច្នៃសម្រាប់ឆ្កឹះសោរនឹងកាច់បំបែកគ្រាប់សោរចំនួន០៤, កូនសោរសំរាប់ធ្វើសកម្មភាពចំនួន០៥, ដង្កាប់០១ ទួឡឺវីស០១, ពិល០១, មេសោរពណ៌ខ្មៅចំនួន០២។
ជនរងគ្រោះឈ្មោះឡាច ផល ភេទស្រី អាយុ៣៦ឆ្នាំ ជនជាតិខ្មែរមុខរបរគ្រូបង្រៀនGMISស្នាក់នៅផ្ទះគ្ននលេខផ្លូវបេតុងសង្កាត់ក្រាំងធ្នង់ខណ្ឌសែនសុខ រាជធានីភ្នំពេញ។
បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្ដោះ នៅអធិការដ្ឋាននគរបាលខណ្ឌទួលគោក ដើម្បីសាកសួរ កសាងសំណុំរឿង និងបញ្ជូនជនសង្ស័យទៅសាលាដំបូងរាជធានីភ្នំពេញចាត់ការបន្តតាមផ្លូវច្បាប់៕
ចំនួនអ្នកទស្សនា
- ថ្ងៃនេះ251
- ម្សិលមិញ11441
- សប្តាហ៍នេះ30081
- ខែនេះ145231
- ឆ្នាំនេះ145231
- សរុប20587687