មុខសញ្ញាឆក់ម្នាក់ ត្រូវនគរបាលប៉ុស្តិ៍ទឹកល្អក់៣ ឃាត់ខ្លួន
29-March-2019 | ដោយ ពលមនសិការ
ភ្នំពេញ៖ កម្លាំងនគរបាលប៉ុស្តិ៍រដ្ឋបាលទឹកល្អក់ទី៣ នៃអធិការដ្ឋាននគរបាលខណ្ឌទួលគោក រាជធានីភ្នំពេញ បានឃាត់ខ្លួនជនសង្ស័យម្នាក់ជាក់ស្ដែងពីបទ លួចមានស្ថានទម្ងន់ទោស (ឆក់ទូរស័ព្ទដៃមួយគ្រឿងនិងកាបូបដៃ) នៅចំណុចមុខឃ្លាំងលក់រថយន្តលេខ១៧ ផ្លូវ លេខ១៨២ ក្រុមទី៣ ភូមិ២ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ នៅថ្ងៃទី២៩ ខែមីនា ឆ្នាំ២០១៩ វេលាម៉ោងប្រហែល០នឹង០៥នាទីរំលងអាធ្រាត្រ។
លោកវរសេនីយ៍ទោ សុខ ហេង អធិការនគរបាលខណ្ឌទួលគោក បានឱ្យដឹងថាជនសង្ស័យឈ្មោះ រឿន ម៉ានិត ហៅនីត ភេទប្រុស អាយុ២១ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះមិនចាំលេខ ផ្លូវបេតុង ភូមិសំរោងទាវ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។
វត្ថុតាងចាប់យកមានៈម៉ូតូ០១គ្រឿងម៉ាក Honda C125 ស៊េរី២០១៣ ពណ៌ខ្មៅ ពាក់ស្លាកលេខ ពោធិ៍សាត់ 1D-4847 ដែលមានលេខ និងលេខម៉ាស៊ីន 8822484 (ជាម៉ូតូរបស់ជនសង្ស័យជិះឆក់),ទូរស័ព្ទដៃមួយគ្រឿងម៉ាក XTEL ពណ៌ខ្មៅ។
ជនរងគ្រោះឈ្មោះឱ ស៊ីថា ភេទប្រុស អាយុ៣៥ឆ្នាំ ជនជាតិខ្មែរ មុខរបរនៅផ្ទះ ស្នាក់នៅផ្ទះលេខ១០ ផ្លូវD សង្កាត់ ភ្នំពេញថ្មី ខណ្ឌសែនសុខ រាជធានីភ្នំពេញ។
បច្ចុប្បន្នជនសង្ស័យខាងលើកំពុងឃាត់ខ្លួននៅអធិការដ្ឋាននគរបាលខណ្ឌទួលគោក ដើម្បីសាកសួរ កសាងសំណុំរឿង បញ្ជូនទៅសាលាដំបូងរាជធានីភ្នំពេញចាត់ការតាមផ្លូវច្បាប់៕
ចំនួនអ្នកទស្សនា
- ថ្ងៃនេះ11171
- ម្សិលមិញ6261
- សប្តាហ៍នេះ29551
- ខែនេះ144701
- ឆ្នាំនេះ144701
- សរុប20587157