ប្តី អារ ក សម្លាប់ ប្រពន្ធ រួច ចងក សម្លាប់ខ្លួន តាម ក្រោយ ( ប្តី បុគ្គលិកក្រុមហ៊ុន លក់ម្រុំ ប្រពន្ធ មុខរបរបុគ្គលិកធនា គារ ABA)
10-April-2019 | ដោយ ពល បញ្ញា
ភ្នំពេញ ៖ នៅយប់ថ្ងៃទី៩ ខែមេសា ឆ្នាំ២០១៩ មានហេតុការភ្ញាក់ផ្អើលមួយបានកើតឡើង គឺបុរសជា ប្តីបានអារ ក សម្លាប់ប្រពន្ធ រួចហើយបានសម្រេចចិត្ត ចងកសម្លាប់ខ្លួនឯង តាមក្រោយ នៅផ្ទះជនរងគ្រោះ ដែលស្ថិតនៅក្នុងភូមិតា ឡី សង្កាត់ដង្កោ ខណ្ឌដង្កោ រាជធានី ភ្នំពេញ ។
សព ប្តីឈ្មោះ លឹម គីម តូ អាយុ ៣៤ ឆ្នាំ មុខរបរបុគ្គលិកក្រុមហ៊ុន លក់ម្រុំ ស្នាក់នៅផ្ទះអត់លេខ ផ្លូវលំ ស្ថិតនៅភូមិតា ឡី សង្កាត់ដង្កោ ខណ្ឌដង្កោ មានស្រុកកំណើតភូមិសេដ្ឋកិច្ច ឃុំឈានមុខ ស្រុកត្បែង មានជ័យ ខេត្តព្រះវិហារ ។ សព ប្រពន្ធឈ្មោះ ផល ហ្គិច ស៊ីវ អាយុ ២៦ ឆ្នាំ មុខរបរបុគ្គលិកធនាគារ ABA មានស្រុកកំណើតភូមិតា ប៊ឹម ឃុំទឹកវិល ស្រុកស្អាង ខេត្ត កណ្តាល មានកូនស្រីម្នាក់ អាយុ៣ ឆ្នាំ ស្នាក់នៅជាមួយយាយ។
តាមការរៀបរាប់របស់បងប្អូនជនរងគ្រោះខាងស្រី បានឲ្យដឹង ថា ប្តីប្រពន្ធទាំងពីរ នាក់នេះ គឺរស់នៅមិនចុះសម្រុងនឹងគ្នា ឈ្លោះប្រកែក គ្នា អស់រយ:ពេលយូរខែមកហើយ មូលហេតុដោយសារតែបុរសជាប្តីប្រច័ណ្ឌប្រពន្ធ ។
ក្រោយកើតហេតុ សមត្ថកិច្ចជំនាញបាន ចុះធ្វើកោសល វិច័យ ពិនិត្យសាកសព ថាពិតជា ករណីឃាតកម្ម និងអត្តឃាត ដោយបុរសជា ប្តីអារកសម្លាប់ប្រពន្ធ រួចហើយ បានចងកសម្លាប់ខ្លួនឯងតាមក្រោយ ពិតប្រាកដមែន។ បច្ចុប្បន្ន សព ប្រពន្ធត្រូវបានបងប្អូនយកទៅធ្វើបុណ្យនៅស្រុកស្អាង ខេត្តកណ្តាល ចំណែកសព ប្តី ត្រូវបានសាច់ញាតិយកទៅតម្កល់ធ្វើបុណ្យ នៅវត្តសំបួរមាស ខណ្ឌដង្កោ ៕
ចំនួនអ្នកទស្សនា
- ថ្ងៃនេះ6661
- ម្សិលមិញ6261
- សប្តាហ៍នេះ25041
- ខែនេះ140191
- ឆ្នាំនេះ140191
- សរុប20582647