កម្លាំងនគរបាលគ្រឿងញៀនបញ្ជូនខ្លួនជនសង្ស័យ៦នាក់ ទៅសាលាដំបូងខេត្ត
10-April-2019 | ដោយ ពលមនសិការ
សៀមរាប៖ ជនសង្ស័យចំនួន៦នាក់ ពាក់ព័ន្ធករណីរក្សាទុក ជួញដូរ ចាត់ចែង និងប្រើប្រាស់គ្រឿងញៀន ត្រូវបានកម្លាំងនគរបាល នៃការិយាល័យប្រឆាំងគ្រឿងញៀន ស្នងការដ្ឋាននគរបាលខេត្តសៀមរាប បញ្ជូនទៅអយ្យការអមសាលាដំបូងខេត្តដើម្បីចាត់ការតាមនីតិវិធី កាលពីថ្ងៃទី៩ ខែមេសា ឆ្នាំ២០១៩។
មន្ត្រីនគរបាលខេត្តសៀមរាប បានឲ្យដឹងថាជនសង្ស័យទាំង៦នាក់ ត្រូវបានកម្លាំងនគរបាលការិយាល័យប្រឆាំងគ្រឿងញៀន សហការជាមួយកម្លាំងនគរបាលនៃអធិការដ្ឋានក្រុងសៀមរាប ឃាត់ខ្លួនកាលពីថ្ងៃទី៨ ខែមេសា ឆ្នាំ២០១៩ នៅចំណុចសួនលក់ផ្កា ស្ថិតនៅភូមិកក្រាញ់ សង្កាត់សៀមរាប និងនៅលំនៅដ្ឋានភូមិវត្តស្វាយ សង្កាត់សៀមរាប ក្រុង/ខេត្តសៀមរាប។
មន្ត្រីនគរបាលដដែលបន្តថាសង្ស័យចំនួន០៦នាក់រួមមានទី១-ឈ្មោះ ម៉ែន រស្មី ភេទប្រុស ឆ្នាំកំណើត១៩៩ មុខរបរមិនពិតប្រាកដ ទីលំនៅភូមិវត្តស្វាយ សង្កាត់សៀមរាប ក្រុង/ខេត្តសៀម រាប(រក្សាទុក ជួញដូរនិងប្រើប្រាស់)(មានសារធាតុញៀនក្នុងខ្លួន), ទី២-ឈ្មោះ ហេង ហូហៅហឿន ភេទប្រុស ឆ្នាំកំណើត១៩៩២ មុខរបរបុគ្គលិកថែរសួនផ្កាទីលំនៅ ភូមិកក្រាញ់ សង្កាត់សៀមរាប ក្រុង/ខេត្តសៀមរាប(រក្សាទុក ចាត់ចែងនិងប្រើប្រាស់)(មានសារធាតុញៀនក្នុងខ្លួន), ទី៣-ឈ្មោះ ហេង ចិន ភេទប្រុស ឆ្នាំកំណើត១៩៩៧ មុខរបរបុគ្គលិកថែរសួនផ្កា ទីលំនៅភូមិកក្រាញ់ សង្កាត់សៀមរាប ក្រុង/ខេត្តសៀមរាប (ចាត់ចែងនិងប្រើប្រាស់)(មានសារធាតុញៀនក្នុងខ្លួន), ទី៤-ឈ្មោះ សឿង ទូច ភេទប្រុស ឆ្នាំកំណើត១៩៩៣ មុខរបរបុគ្គលិកថែរសួនផ្កា ទីលំនៅភូមិកក្រាញ់ សង្កាត់សៀមរាប ក្រុង/ខេត្តសៀមរាប (ចាត់ចែងនិងប្រើប្រាស់)(មានសារធាតុញៀនក្នុងខ្លួន), ទី៥-ឈ្មោះ យន់ សីម៉ា ភេទប្រុស ឆ្នាំកំណើត១៩៩៣ មុខរបរបុគ្គលិកថែរសួនផ្កា ទីលំនៅភូមិកក្រាញ់ សង្កាត់សៀមរាប ក្រុង/ខេត្តសៀមរាប (ចាត់ចែងនិងប្រើប្រាស់)(មានសារធាតុញៀនក្នុងខ្លួន) និងទី៦-ឈ្មោះ ជឿន ណូច ភេទប្រុស ឆ្នាំកំណើត២០០៤ មុខរបរបុគ្គលិកថែរសួនផ្កា ទីលំនៅភូមិកក្រាញ់ សង្កាត់សៀមរាប ក្រុង/ខេត្តសៀមរាប (ចាត់ចែង និងប្រើប្រាស់)(មានសារធាតុញៀនក្នុងខ្លួន) ។
កម្លាំងនគរបាលជំនាញបានដកហូតវត្ថុតាងៈម្សៅមេតំហ្វេតាមីនប្រភេទទឹកកកចំនួន០៤កញ្ចប់ ស្មើនឹងទំងន់១៤,១ក្រាម (ទំងន់សុទ្ធ), ថ្នាំគ្រាប់យ៉ាម៉ាចំនួន០១គ្រាប់ ស្មើនឹងទម្ងន់០,១ក្រាម (ទម្ងន់សុទ្ធ), កញ្ឆាក្រៀមចំនួន០១កញ្ចប់ ស្មើនឹងទម្ងន់០,៣ក្រាម (ទម្ងន់សុទ្ធ), ឧបករណ៍ប្រើប្រាស់ និងសម្ភារៈវេចខ្ចប់គ្រឿងញៀនមួយចំនួន, ដាវដែកចំនួន០២ដើម និងទូរស័ព្ទដៃចំនួន០៧គ្រឿង ៕
ចំនួនអ្នកទស្សនា
- ថ្ងៃនេះ8981
- ម្សិលមិញ6261
- សប្តាហ៍នេះ27361
- ខែនេះ142511
- ឆ្នាំនេះ142511
- សរុប20584967