ឆ្លងចរន្តអគ្គិសនីឆេះ រថយន្តម៉ាកស្តារិច១គ្រឿង សំណាងល្អមិនមានអ្នករបួស
30-April-2019 | ដោយ ពលមនសិការ
ភ្នំពេញ៖ រថយន្តម៉ាកស្តារិច១គ្រឿងត្រូវអគ្គិភ័យឆាបឆេះបង្កការភ្ញាក់ផ្អើលដល់ប្រជាពលរដ្ឋនឹងសមត្ថកិច្ចហៅរថយន្តពន្លត់អគ្គិភ័យជួយបាញ់ពន្លត់។ ហេតុការនេះបានកើតឡើងកាលពីវេលាម៉ោង០៦និង៣០នាទីថ្ងៃទី៣០ ខែមេសា ឆ្នាំ២០១៩ នៅចំណុចផ្លូវបេតុង ភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ។
យោងតាមរបាយការណ៍របស់សមត្ថកិច្ចបានឲ្យដឹងថាម្ចាស់រថយន្តមានឈ្មោះ អាន មរតា ភេទប្រុស អាយុ២៤ឆ្នាំ មុខរបរលក់ដូរ ស្នាក់នៅចំណុចកើតហេតុខាងលើ រថយន្តដែលឆេះម៉ាកស្តារិច ពណ៌លឿង ពាក់ស្នាកលេខ ភ្នំពេញ2X-2894។
នគរបាលប៉ុស្តិ៍រដ្ឋបាលក្រាំងធ្នង់បានអោយដឹងថានៅមុនពេលកើតហេតុម្ចាស់រថយន្តបានដឹកគុយទាវ នឹងនំបញ្ចុកយកទៅអោយម៉ូយលុះដល់ចំណុចខាងលើម្ចាស់រថយន្តក៏ឈប់ហើយក៏យកគុយទាវនិងនំបញ្ចុកចេញពីរថយន្តទៅអោយម៉ូយស្រាប់តែមានអណ្តាតភ្លើងឆេះចេញពីរថយន្តបង្កការភ្ញាក់ផ្អើលតែម្តង។ ហើយសមត្ថកិច្ចមូលដ្ឋានបានទាក់ទងហៅរថយន្តពន្លត់របស់ការិយាល័យអគ្គីភ័យចំនួន០១គ្រឿង អស់ទឹក០១រថយន្តស្មើ៣ម៉ែត្រគូបជួយបាញ់ពន្ល់តចប់នៅម៉ោង០៧និង០០នាទី សមត្ថកិច្ចបញ្ជាក់ថាមូលហេតុមកពីឆ្លងចរន្តអគ្គីសនី ៕
ចំនួនអ្នកទស្សនា
- ថ្ងៃនេះ6241
- ម្សិលមិញ6261
- សប្តាហ៍នេះ24621
- ខែនេះ139771
- ឆ្នាំនេះ139771
- សរុប20582227