កម្លាំងនគរបាលប៉ុស្តិ៍ស្ទឹងមានជ័យទី១ ឃាត់ខ្លួនជនសង្ស័យម្នាក់ ករណីរក្សាទុកដោយខុសច្បាប់នូវសារធាតុញៀន
14-May-2019 | ដោយ ពលមនសិការ
ភ្នំពេញ៖ កាលពីថ្ងៃចន្ទ ១០កើត ខែពិសាខ ឆ្នាំកុរ ឯកស័ក ព.ស២៥៦២ ត្រូវនឹងថ្ងៃទី១៣ ខែឧសភា ឆ្នាំ២០១៩ វេលាម៉ោង១៦នឹង៣០នាទី កម្លាំងនគរបាលប៉ុស្តិ៍ស្ទឹងមានជ័យទី១ បានល្បាតពួនស្ទាក់នៅក្នុងមូលដ្ឋាន ហើយពេលមកដល់ចំណុចផ្លូវលំ ភូមិមានជ័យ១ សង្កាត់ស្ទឹងមានជ័យទី១ ខណ្ឌ មានជ័យ រាជធានីភ្នំពេញ ឃាត់ខ្លួនជនសង្ស័យម្នាក់ ពីបទ រក្សាទុកដោយខុសច្បាប់នូវសារធាតុញៀន។
មន្ត្រីនគរបាលខណ្ឌមានជ័យបានឲ្យដឹងថាជនសង្ស័យឈ្មោះ ភា សុខម៉េង ភេទប្រុស អាយុ២០ឆ្នាំ ជនជាតិខ្មែរ មុខរបរជាងបាញ់ថ្នាំរថយន្ត ទីលំនៅយានដ្ឋានជួសជុលរថយន្ត ផ្លូវលំ ភូមិ៥ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។
វត្ថុតាងដកហូតបានរួមមាន៖ ក្រាមពណ៌សថ្លា(សង្ស័យជាគ្រឿងញៀន) ចំនួន០២កញ្ចប់ថង់តូច និងទូរស័ព្ទដៃចាស់ចំនួន០១គ្រឿង។ បច្ចុប្បន្នជនសង្ស័យឈ្មោះ ភា សុខម៉េងឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ៕
ចំនួនអ្នកទស្សនា
- ថ្ងៃនេះ5321
- ម្សិលមិញ6261
- សប្តាហ៍នេះ23701
- ខែនេះ138851
- ឆ្នាំនេះ138851
- សរុប20581307