បុរសម្នាក់បើកម៉ូតូ បុកគូថរយន្ត ឈប់លើចិញ្ចើម បណ្ដាលឲ្យរងរបួសធ្ងន់
05-June-2019 | ដោយ ពលមនសិការ
កណ្ដាល៖ រថយន្តមួយគ្រឿងឈប់លើចិញ្ចើមផ្លូវមិនដាក់ស្លាកសញ្ញា បណ្ដាលឲ្យបុរសជាអ្នកបើកបរម៉ូតូម្នាក់ បានបើកបុកគូថរថយន្តពីក្រោយពេញមួយទំហឹង បណ្ដាលឲ្យរងរបួសធ្ងន់ កាលពីថ្ងៃទី៤ ខែមិថុនា ឆ្នាំ ២០១៩ វេលាម៉ោង ២១ និង ៤០ នាទី នៅលើកំណាត់ផ្លូវជាតិ លេខ២១ ចំណុចគល់ស្ពានឆ្លងទន្លេបាសាក់ត្រើយខាងលិច ស្ថិតនៅក្នុងភូមិព្រែកធន់ ឃុំព្រែកថ្មី ស្រុកកោះធំ ខេត្តកណ្តាល ។
មន្ត្រីនគរបាលចរាចរណ៍ស្រុកកោះធំបានឲ្យដឹងថា ជនរងគ្រោះរងរបួសធ្ងន់ឈ្មោះ សាំង ម៉េង ស៊ុយ ភេទប្រុស អាយុ២៩ឆ្នាំ មុខរបរ បុគ្គលិកធនាគារ ក្រេឌីដ មានទីលំនៅភូមិព្រែកមេស្រុក ឃុំព្រែកស្ដី ស្រុកកោះធំ ខេត្តកណ្ដាល បើកបរម៉ូតូ ម៉ាកហុងដា ឌ្រីម ធុនសេ ១២៥ ស៊េរីឆ្នាំ២០១៧ ពណ៌ខ្មៅ ពាក់ស្លាកលេខ ភ្នំពេញ 1GE-9864 រីឯរថយន្តម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3A-1081 អ្នកបើកបរ មិនស្គាល់អត្តសញ្ញាណ គេចខ្លួន មុនពេលសមត្ថកិច្ចទៅដល់ ។
ប្រភពដដែលបន្តថា នៅមុនពេលកើតហេតុ សាក្សីបានឃើញរថយន្តហ៊ីយ៉ាន់ដាយខាងលើ ធ្វើដំណើរតាមបណ្ដោយផ្លូវជាតិលេខ២១ ក្នុងទិសដៅពីជើងទៅត្បូង លុះមកដល់ចំណុចកើតហេតុ រថយន្តខាងលើក៏ឈប់លើចិញ្ចើមផ្លូវ ដោយពុំដាក់ស្លាកសញ្ញាដើម្បីឲ្យដឹងនោះទេ ខណៈនោះក៏មានម៉ូតូមួយគ្រឿង បើកបរដោយជនរងគ្រោះខាងលើ ធ្វើដំណើរស្របទិសជាមួយរថយន្ត ក៏បានបុកគូថរយន្តពេញមួយទំហឹង បណ្ដាលឲ្យអ្នកបើកបរម៉ូតូរងរបួសធ្ងន់។
បន្ទាប់ពីកម្លាំងនគរបាលចរាចរណ៍ស្រុកទទួលបានព័ត៌មានករណីខាងលើនេះ ភ្លាមនោះ ក៏ចុអអន្តរាគមន៏ ត្រួតពិនិត្យ រួចវាស់វែងកសាងឯកសារយកមធ្យោបាយពាក់ព័ន្ធទាំង២គ្រឿង ទៅរក្សាទុកនៅអធិការដ្ឋាននគរបាលស្រុក ចាត់ការតាមនីតិវិធីច្បាប់។ តាមការបញ្ជាករបស់ករណីនេះ គឺបង្កឡើងដោយរថយន្តខាងលើ ឈប់ចត លើទ្រូងផ្លូវមិនដាក់ស្លាកសញ្ញា ៕
ចំនួនអ្នកទស្សនា
- ថ្ងៃនេះ2031
- ម្សិលមិញ6261
- សប្តាហ៍នេះ20411
- ខែនេះ135561
- ឆ្នាំនេះ135561
- សរុប20578017