កម្លាំងនគរបាលខណ្ឌដូនពេញ ឃាត់ខ្លួនជនសង្ស័យ៥នាក់ រួមជាមួយថ្នាំញៀនជាង៥០០កញ្ចប់ នៅសង្កាត់ស្រះចក
10-June-2019 | ដោយ ពលមនសិការ
ភ្នំពេញ៖ លោកវរសេនីយ៍ឯក ទៀង ច័ន្ទសារ អធិការនគរបាលខណ្ឌដូនពេញដឹកនាំកម្លាំងនគរបាលជំនាញខណ្ឌសហការជាមួយកម្លាំងប៉ុស្តិ៍ បង្ក្រាបករណីជួញដូរគ្រឿងញៀន ឃាត់ខ្លួនជនសង្ស័យ៥នាក់ នៅថ្ងៃទី១០ ខែឧសភា ឆ្នាំ២០១៩ វេលាម៉ោង០១នឹង៣០នាទីរំលងអាធ្រាត ស្ថិតនៅចំណុចផ្លូវរថភ្លើងR6 ក្តាន់ពីរ ក្រុម៣៩ ភូមិ៣ សង្កាត់ស្រះចក។
លោកអធិការបានឱ្យដឹងថាជនសង្ស័យទាំង៥នាក់រួមមានៈ
១-ឈ្មោះ នី ម៉ាណេត ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួលទីតាំងខាងលើ (ជួញដូរគ្រឿងញៀន)។
២-ឈ្មោះ ឆយ បូរ៉ា ភេទប្រុស អាយុ៣១ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅទីតាំងខាងលើ (ជួញដូរគ្រឿងញៀន)។
៣-ឈ្មោះ សុ វត្ត្រា ភេទប្រុស អាយុ១៦ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅសង្កាត់ស្ទឹងមានជ័យ (ប្រើប្រាស់គ្រឿងញៀន)។
៤-ឈ្មោះ ហម រត្ន័ថា ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅ ម្តុំរោងចក្រឆ្នាំង ភូមិ២ សង្កាត់ស្រះចក (ប្រើប្រាស់គ្រឿងញៀន)។
៥-ឈ្មោះ សាយ សម្ភពបញ្ញា ភេទប្រុស អាយុ១៦ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅ ទីតាំងខាងលើ (ប្រើប្រាស់គ្រឿងញៀន)។
វត្ថុតាងចាប់យករួមមានៈ-ក្រាមពណ៌សរថ្លាសង្ស័យជាគ្រឿងញៀនចំនួន៥១៩កញ្ចប់ ក្នុងនោះមាន០៥កញ្ចប់ធំ, -ជញ្ជីងថ្លឹងគ្រឿងញៀនចំនួន០១, -ដាវកែច្នៃចំនួន០១ដើម, -ថង់សម្រាប់ច្រកគ្រឿងញៀនមួយចំនួន, -ឧបករណ៍ប្រើប្រាស់គ្រឿងញៀនមួយចំនួន, -ទូហ្គេមបាញ់ត្រីចំនួន០១គ្រឿង, -ម៉ូតូម៉ាកសេ១២៥ ពណ៌ខ្មៅ ពាក់ស្លាកលេខ កំពង់ស្ពឺ 1F-0041, -ប្រាក់រៀលចំនួន បីម៉ឺនពីពាន់(៣២០០០៛)។
បច្ចុប្បន្នជនសង្ស័យទាំង៥នាក់ខាងលើកំពុងឃាត់ខ្លួនបណ្តោះអាសន្ននៅអធិការដ្ឋានដើម្បីសួរយកចម្លើយបន្តស្រាវជ្រាវរកបក្ខពួកនិង ក្រុមដទៃផ្សេងទៀត ព្រមទាំងកសាងសំណុំរឿង បញ្ជូនទៅសាលាដំបូងរាជធានីភ្នំពេញអនុវត្តតាមនីតិវិធី ៕
ចំនួនអ្នកទស្សនា
- ថ្ងៃនេះ111
- ម្សិលមិញ3121
- សប្តាហ៍នេះ13101
- ខែនេះ47881
- ឆ្នាំនេះ302821
- សរុប19530267