ជនជាតិចិន២នាក់ ករណីប្រើប្រាស់ និងរក្សាទុកនូវសារធាតុញៀន ត្រូវបានកម្លាំងនគរបាលចាប់ខ្លួន
10-July-2019 | ដោយ ពលមនសិការ
ភ្នំពេញ៖ កាលពីថ្ងៃទី៩ ខែកក្កដា ឆ្នាំ២០១៩ វេលាម៉ោង៦និង១០នាទី កម្លាំងការិយាល័យនគរបាលព្រហ្មទណ្ឌកម្រិតស្រាល ឃាត់ខ្លួននិងប្រគល់ជនសង្ស័យ២នាក់ ជនជាតិចិន ពាក់ព័ន្ធនឹងបទល្មើស ប្រើប្រាស់ និងរក្សាទុកនូវសារធាតុញៀន ទៅឱ្យការិយាល័យនគរបាលប្រឆាំងគ្រឿងញៀនចាត់ការបន្ត។
សមត្ថកិច្ចបានឱ្យដឹងថាជនសង្ស័យទី១-ឈ្មោះ Qin MiaoMiao ភេទស្រី អាយុ២៩ឆ្នាំ ជនជាតិចិន មុខរបរ បុគ្គលិកហាងម៉ាស្សា Huan Fu មានទីលំនៅភូមិ០៣ សង្កាត់០៣ ក្រុង-ខេត្តព្រះសីហនុ ទី២-ឈ្មោះ Tang BangWei ភេទប្រុស អាយុ២៨ឆ្នាំ ជនជាតិចិន មុខរបរ បុគ្គលិកហាងម៉ាស្សា សាងណា មានទីលំនៅភូមិ០៣ សង្កាត់០៣ ក្រុង-ខេត្តព្រះសីហនុ។
វត្ថុតាងចាប់យកបានរួមមាន៖ រថយន្ត ១គ្រឿងម៉ាក Lexus RX300 ពណ៌ទឹកមាស, ទូរស័ព្ទដៃ ៣គ្រឿង, ប្រភេទម្សៅកញ្ចប់ពណ៌លឿង មានរូបដង្កូវ ចំនួន១៧កញ្ចប់, ថង់កញ្ចប់តូចជាច្រើន ក្នុងនោះមានថង់តូច១រក្សាទុកនូវសារធាតុញៀន, ជញ្ជីងសំរាប់ថ្លឹង សារធាតុញៀន, កូនសោរ១មានបន្តោងលេខ B៣០៣ និងកាតអក្សរH, កិច្ចសន្យាជួលរថយន្ត១ច្បាប់, ប្រាក់ចំនួន១៤៥$ របស់ឈ្មោះ Tang BangWei, កាបូបយួរដៃ ពណ៌ខ្មៅ របស់ឈ្មោះ Qin MiaoMiao ក្នុងនោះមានប្រាក់ ១៣៤$, ប្រាក់៧៣ Yuan ( ចិតសិបបីយ័ន្ត)។ បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ននៅការិយាល័យប្រឆាំងគ្រឿងញៀនដើម្បីចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ891
- ម្សិលមិញ12101
- សប្តាហ៍នេះ13001
- ខែនេះ128151
- ឆ្នាំនេះ128151
- សរុប20570607