​ភ្នំពេញ​៖​ កម្លាំង​នគរបាល​ខណ្ឌ​ពោធិ៍​សែន​ជ័យ​ដឹកនាំ​បញ្ជា​ផ្ទាល់​ដោយ​លោក​វរសេនីយ៍ឯក​ យឹ​ម​ សា​រ៉ា​ន់​ អធិការ​នគរបាល​ខណ្ឌ​ បាន​ស្រាវជ្រាវ​ ឃាត់ខ្លួន​មុខសញ្ញា​ជួញដូរ​គ្រឿងញៀន​២​នាក់​។​

​ប្រតិបត្តិការ​បង្ក្រាប​ករណី​ជួញដូរ​គ្រឿងញៀន​នោះ​បាន​ធ្វើ​ឡើង​នៅ​វេលា​ម៉ោង​៩​និង​៣០​នាទី​ថ្ងៃ​ទី​១២​ ខែកក្កដា​ ឆ្នាំ​២០១៩​ នៅ​ចំណុច​ផ្ទះ​ជួល​ ភូមិ​ប៉ប្រក​ខាងត្បូង​ សង្កាត់​កា​កាប​ទី​១​ ខណ្ឌ​ពោធិ៍​សែន​ជ័យ​។​

​លោក​អធិការ​ឱ្យ​ដឹង​ថា​ជនសង្ស័យ​ទី​១-​ឈ្មោះ​ ពេជ្រ​ ប៊ុ​ន​សេង​ ហៅ​ម៉ា​ប់​ ភេទ​ប្រុស​ អាយុ​៣០​ឆ្នាំ​ ទើប​ចេញពី​គុក​ថ្ងៃ​ទី​២៨​ ខែមិថុនា​ ឆ្នាំ​២០១៩​ ស្នាក់​នៅផ្ទះ​ជួល​ ភូមិ​ប៉ប្រក​ខាងត្បូង​ សង្កាត់​កា​កាប​ទី​១​ ខណ្ឌ​ពោធិ៍​សែន​ជ័យ​ និង​ជនសង្ស័យ​ទី​២-​ឈ្មោះ​ សុខ​ ធា​វី​ ភេទ​ស្រី​ អាយុ​៥០​ឆ្នាំ​ មុខរបរ​នៅផ្ទះ​មើល​កូន​តូច​ ស្នាក់​នៅ​ជាមួយ​គ្នា​ ភូមិ​ប៉ប្រក​ខាងត្បូង​ សង្កាត់​កា​កាប​ទី​១​ ខណ្ឌ​ពោធិ៍​សែន​ជ័យ​។​

វត្ថុ​តាង​ដកហូត​បាន​៖​ ក្រាម​ស​ថ្លា​ចំនួន​៥​ កញ្ចប់​ធំ​ល្មម​ សង្ស័យ​ជា​សារធាតុ​ញៀន​ ។​

​បច្ចុប្បន្ន​ជនសង្ស័យ​បាន​បញ្ជូន​មក​កាន់​ ផ្នែក​ជំនាញ​ នៃ​អធិការដ្ឋាន​ នគរបាល​ខណ្ឌ​ពោធិ៍​សែន​ជ័យ​ ដើម្បី​សួរនាំ​ និង​ឃុំខ្លួន​ជា​បណ្តោះអាសន្ន​ កសាង​សំណុំរឿង​បញ្ជូន​ទៅ​តុលា​រការ​ចាត់ការ​តាម​នីតិវិធី​៕

​