ជនជាតិដាណឺម៉ាកម្នាក់ គ្មានលិខិតឆ្លងដែន និងបង្ករការអុកឡុកនៅតាមទីសាធារណៈត្រូវនគរបាលឃាត់ខ្លួន
18-July-2019 | ដោយ ពលមនសិការ
ភ្នំពេញ៖ កាលពីថ្ងៃទី១៧ ខែកក្កដា ឆ្នាំ២០១៩ វេលាម៉ោង១៤នឹង២០នាទី កម្លាំងការិយាល័យស៊ើបអង្កេត និងអនុវត្តនីតិវិធី ផែនការងារអន្តោប្រវេសន៍ នៃស្នងការដ្ឋាននគរបាលរាជធានីភ្នំពេញ បានទទួលជនបរទេសម្នាក់ ពីកម្លាំងនគរបាលរដ្ឋបាលប៉ុស្តិ៍ផ្សារកណ្ដាល១ ខណ្ឌដូនពេញ រាជធានីភ្នំពេញ ពីបទគ្មានលិខិតឆ្លងដែនជាប់នឹងខ្លួន និងបង្ករការអុកឡុកនៅក្នុងហាងម៉ាតយីហោSmile ស្ថិតនៅផ្ទះលេខ២៨E0 ផ្លូវ១៣៦ សង្កាត់ផ្សារកណ្ដាល១ ខណ្ឌដូនពេញ។
លោកវរសេនីយ៍ទោ ជា ចិត្រា នាយការិយាល័យស៊ើបអង្កេត និងអនុវត្តនីតិវិធី បានឱ្យដឹងថាជនបរទេសខាងលើឈ្មោះJESPER VINTHER NIELSEN ភេទប្រុស អាយុ៣៧ឆ្នាំ ជនជាតិដាណឺម៉ាក។
លោកនាយការិយាល័យបន្តថាក្រោយពេលសាកសួរដឹងថាជននេះចូលមក ព្រះរាជាណាចក្រកម្ពុជា នៅថ្ងៃទី១៤.០៦.២០១៩ តាមច្រកអាកសយានដ្ឋានអន្តរជាតិភ្នំពេញ គោលបំណងទេសចរ ហើយលិខិឆ្លងដែនរបស់គេបានយកទៅដាក់បញ្ចាំ យកលុយចំនួន ៣០ដុល្លារពីអ្នកបើកម៉ូតូកង់បីម្នាក់ ប្រហែលមួយសប្ដាហ៍មកហើយ ពេលនេះមិនថាអ្នកបើកង់បីនោះនៅទីណាទេ បច្ចុប្បន្នគ្មានលិខិតឆ្លងដែនជាប់នឹងខ្លួន និងគ្មានកន្លែងស្នាក់នៅពិតប្រាកដដើរដេកតាមទីសាធារណៈ។ ត្រូវបានបញ្ជូនទៅនាយកដ្ឋានអន្តោប្រវេសន៍ ដើម្បីអនុវត្តនីតិវិធីបន្តនៃច្បាប់៕
ចំនួនអ្នកទស្សនា
- ថ្ងៃនេះ10251
- ម្សិលមិញ14181
- សប្តាហ៍នេះ10251
- ខែនេះ125401
- ឆ្នាំនេះ125401
- សរុប20567857