ជនជាតិចិនរបួស១១នាក់និងស្លាប់២នាក់ ករណីក្រឡាប់រថយន្តសាំយ៉ុង នៅផ្លូវថ្មីខ្នងភ្នំគូលែន
22-July-2019 | ដោយ ពលមនសិការ
សៀមរាប៖ យោងតាមរបាយការណ៍របស់ការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប បានឲ្យដឹងនៅព្រឹកថ្ងៃទី២២ ខែកក្កដា ឆ្នាំ២០១៩នេះថា ភ្ញៀវទេសចរណ៍ជនជាតិចិនប្រុស/ស្រីបានរបួសធ្ងន់ ស្រាលចំនួន១១នាក់និងស្លាប់២នាក់ ក្នុងករណីក្រឡាប់រថយន្តសាំយ៉ុងនៅផ្លូវទើបនឹងធ្វើថ្មីខ្នងភ្នំគូលែន កាលពីវេលាម៉ោង១៣និង៣០នាទីថ្ងៃទី២១ ខែកក្កដា ឆ្នាំ២០១៩ ត្រង់ចំណុចស្ថិតនៅភូមិតាពេញ ឃុំខ្នងភ្នំ ស្រុកស្វាយលើ។
លោកវរសេនីយ៍ឯក ជិម សុវណ្ណ នាយការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តសៀមរាប បានឲ្យដឹងថាមានរថយន្តម៉ាកSSANG YONG ISTANA ពណ៌ស ពាក់ស្លាកលេខ សៀមរាប 2A-9016 ទិសដៅពីលិចទៅកើត(ចុះចំណោត)អ្នករួមដំណើរសរុប ១៤នាក់ស្រី១០នាក់ជនជាតិចិនទាំងអស់ រថយន្តបង្កដោយខ្លួនឯង បណ្តាលឲ្យស្លាប់ជនជាតិចិន២នាក់ ភេទស្រីទាំង២នាក់។ ១-ឈ្មោះ Hou yujia ភេទ ស្រីជនជាតិចិន កាន់លិខិតឆ្លងដែនលេខ EC45066827, ២-ឈ្មោះ Cao jie ភេទស្រីជនជាតិចិនកាន់លិខិតឆ្លងដែនលេខEG6532672។ របួសធ្ងន់៣នាក់១-ឈ្មោះ Iiu huaxiang ភេទប្រុសជនជាតិចិនកាន់លិខិតឆ្លងដែនលេខE58076335។ ២-ឈ្មោះWu suzhen ភេទស្រីជនជាតិចិនកាន់លិខិតឆ្លងដែនលេខE02449176។ ៣-ឈ្មោះZhang duping ភេទស្រីជនជាតិចិនកាន់លិខិតឆ្លងដែនលេខEG2025739។ របួសស្រាលសរុប៨នាក់ស្រី៦នាក់និងគ្មានរបួស១នាក់ប្រុស។ បណ្តាលឲ្យខូចរថយន្តមួយគ្រឿងធ្ងន់ មូលហេតុរថយន្តមានល្បឿនលឿនក្រោយពេលកើតហេតុអ្នកបើកបររថយន្តរត់គេចខ្លួនបាត់។
សូមរម្លឹកថាករណីក្រឡាប់រថយន្តនៅភ្នំគូលែននេះបានកើតឡើងម្តងរួចមកហើយកាលពីថ្ងៃទី១៥ខែកក្កដាកន្លងទៅថ្មីៗនេះដោយរថយន្តក្រុងដឹកអ្នកដំណើរមកពីភ្នំពេញមកលេងភ្នំគូលែន បណ្តាលឲ្យរបួសធ្ងន់ស្រាល១២នាក់។ហើយនៅថ្ងៃទី២១ម្សិលម៉ិញនេះ មានករណីក្រឡាប់រថយន្តម្តងទៀតបានឆក់យកអាយុជីវិតភ្ញៀវទេសចរណ៍ជនជាតិចិន២នាក់និងរបួសធ្ងន់ស្រាល១១នាក់។
ករណីនេះដែរសមត្ថកិច្ចបានបង្ហើបថា បណ្តាលមកពីបើកលឿនខ្វះការប្រុងប្រយ័ត្ននិងចង់ទៅផ្លូវថ្មីតាមស្រុកស្វាយលើជិតជាងផ្លូវស្រុកបន្ទាយស្រី ហើយភ្ញៀវអាចទៅលេងប្រាសាទកោះកេរ៍ ក៏បាន ៕
ចំនួនអ្នកទស្សនា
- ថ្ងៃនេះ11311
- ម្សិលមិញ14181
- សប្តាហ៍នេះ11311
- ខែនេះ126461
- ឆ្នាំនេះ126461
- សរុប20568917