ឪពុកចុងចិត្តតិច្ឆាន បានចាប់រំលោភកូនស្រីអស់រយៈពេលជាងមួយឆ្នាំទើបបែកធ្លាយ
27-July-2019 | ដោយ ពលមនសិការ
ព្រៃវែង៖ ឪពុកចុងចិត្តតិច្ឆាន បានចាប់រំលោភកូនស្រីអស់រយៈពេលជាងមួយឆ្នាំទើបបែកធ្លាយ ត្រូវបានសមត្ថកិច្ចនគរបាលប៉ុស្តិ៍ប្រាសាទ ឃាត់ខ្លួនកាលពីថ្ងៃទី២៦ ខែកក្កដា ឆ្នាំ២០១៩ នៅភូមិជ្រលង ឃុំប្រាសាទ ស្រុកកំពង់ត្របែក ខេត្តព្រៃវែង។
សមត្ថកិច្ចបានឱ្យដឹងថាជនសង្ស័យខាងលើបន្ទាប់ពីកម្លាំងសមត្ថកិច្ចទទួលបានពាក្យបណ្តឹងពីឈ្មោះ ហ៊ុន សាវៀន ភេទប្រុស អាយុ៤១ឆ្នាំ រស់នៅភូមិជ្រលង ឃុំប្រាសាទ ស្រុកកំពង់ត្របែក ខេត្តព្រៃវែង បាន បានរាយការណៅទៅលោកមេភូមិជ្រលងថាជនសង្ស័យឈ្មោះ ញ៉ែម នួន ត្រូវជាឪពុកចុងបានចាប់រំលោភកូនរបស់ខ្លួន ដែលត្រូវជាក្មួយស្រីរបស់គាត់។
ក្រោយទទួលបានព័ត៌មានភ្លាមលោក មេភូមិជ្រលង បានរាយការណ៍តាមទូរស័ព្ទមក នគរបាលប៉ុស្តិ៍រដ្ឋបាលប្រាសាទនូវករណីខាងលើនេះទៀតនឹងអោយសមត្ថកិច្ចប៉ុស្តិ៍ធ្វើអន្តរាគមន៍។
បន្ទាប់មកសមត្ថកិច្ចបានចុះស្រាវជ្រាវឃាត់ខ្លួនជនសង្ស័យឈ្មោះ ញ៉ែម នួន ភេទប្រុស អាយុ៣២ឆ្នាំ រស់នៅភូមិជ្រលង ឃុំប្រាសាទ ស្រុកកំពង់ត្របែក យកមកប៉ុស្តិ៍ដើម្បីស៊ើបសួរបញ្ជាក់។
សមត្ថកិច្ចបន្តថា តាមការសាកសួរជនរងគ្រោះ អាយុ១៤ឆ្នាំ រស់នៅភូមិជ្រលង ឃុំប្រាសាទ ស្រុកកំពង់ត្របែក បានប្រាប់សមត្ថកិច្ចថា ឪពុកចុងឈ្មោះញ៉ែម នួន បានចាប់រំលោភរូបខ្លួនតាំងពីអាយុ១៣ឆ្នាំ រហូតដល់១៤ឆ្នាំ ជាច្រើនដងរួចមកហើយតែគាត់គំរាមមិនអោយនិយាយប្រាប់អ្នកណាឡើយ។
បច្ចុប្បន្នជនសង្ស័យឈ្មោះញ៉ែម នួន សមត្ថកិច្ចឃាត់ខ្លួនទុកនៅប៉ុស្តិ៍ប្រាសាទ ដើម្បីកសាងសំណុំរឿងទៅតាមនីតិវិធី ៕
ចំនួនអ្នកទស្សនា
- ថ្ងៃនេះ6831
- ម្សិលមិញ14181
- សប្តាហ៍នេះ6831
- ខែនេះ121981
- ឆ្នាំនេះ121981
- សរុប20564437