កិច្ចប្រជុំបូកសរុបសភាពការណ៍លទ្ធផលការងារ ខែកក្កដា និងផ្សព្វផ្សាយសេចក្តីណែនាំលេខ០១៩ ស.ណ.ន របស់ក្រសួងមហាផ្ទៃ
29-July-2019 | ដោយ ពលមនសិការ
កែប៖ លោកឧត្តមសេនីយ៍ត្រី បែន តារា ស្នងការនគរបាលខេត្តកែប បន្ទាប់ពីជួបសំណេះសំណាលជាមួយមន្ត្រីកងកំលាំងនគរបាលខេត្តចំនួន១៨៣នាក់ ក្នុងពិធីគោរពទង់ជាតិ នាព្រឹកថ្ងៃទី២៩ ខែកក្កដា ឆ្នាំ២០១៩ នៅស្នងការដ្ឋាននគរបាលខេត្តកែប លោកឧត្តមសេនីយ៍ ស្នងការ បន្តដឹកនាំកិច្ចប្រជុំបូកសរុបសភាពការណ៍លទ្ធផលការងារខែកក្កដា និងលើកទិសដៅបន្តខែសីហា ឆ្នាំ២០១៩ ដោយមានការចូលរួមពីលោក លោកស្រី ឧត្តមសេនីយ៍ វរសេនីយ៍ ស្នងការរង នាយ នាយរងការិយាលយ័ អធិការ អធិការរង នាយ នាយរងប៉ុស្តិ៍រដ្ឋបាល សរុប១០៨នាក់។
តាមរបាយការណ៍ខែកក្កដា បានឱ្យដឹងថាក្នុងខែកក្កដា កន្លងមកនេះសភាពការណ៍សន្តិសុខ សណ្តាប់ធ្នាប់សង្គម៖ បទល្មើសព្រហ្មទណ្ឌកើតឡើង២/២ករណី លួចមានស្ថានទម្ងន់ទោស(ម៉ូតូ)១ករណី,ហិង្សាដោយចេតនា១ករណី សកម្មភាពខាងលើ នគរបាលយើងបង្ក្រាបបានចំនួន១ករណី និងឃាត់ខ្លួនជនសង្ស័យ១នាក់។ បទល្មើសគ្រឿងញៀន បង្ក្រាបបទល្មើសចែកចាយនិងប្រើប្រាស់គ្រឿងញៀន១ករណី ដោយឃាត់ខ្លួនជនសង្ស័យ១នាក់។ ដោយឡែកបង្ក្រាបតាមដីការ១ករណី ឃាត់ខ្លួនជនសង្ស័យ១នាក់,បង្ក្រាបល្បែងស៊ីសង(ជល់មាន់)៣ករណី ដោយអប់រំមនុស្សចំនួន១៩នាក់។ គ្រោះថ្នាក់ចរាចរណ៍កើតឡើង ៥/៨លើក ថយចុះ៣លើក មនុស្សស្លាប់(២/២នាក់) បណ្តាលឱ្យមនុស្សរងរបួសធ្ងន់(៥/១១នាក់) ថយចុះ៦នាក់,របួសស្រាល(៦/៥នាក់) កើនឡើង១នាក់ និងគ្រោះថ្នាក់សង្គម៦/៥លើក ករណីខ្យល់ព្យុះ២លើក,ផ្ទុះធុងហ្គាស១លើក,ក្មេងលង់ទឹក១លើក,គាំងបេះដូង១លើក និងអត្តឃាត(ចងករ)១លើក គ្រោះថ្នាក់សង្គមខាងលើបណ្តាលឱ្យរបើកដំបូល៣៩ខ្នង ស្លាប់មនុស្ស៣នាក់ និងរបួសស្រាល២នាក់។
ទន្ទឹមនោះយើងក៏បានរក្សាសន្តិសុខ សណ្តាប់ជូនប្រជាជន និងភ្ញៀវទេសចរណ៍ទូទាំងខេត្ត ទទួលបានសន្តិសុខ និងស្ថេរភាពល្អ ដែលមានភ្ញៀវទេសចរណ៍ជាតិ អន្តរជាតិ និងប្រជាជនមកលេងកំសាន្តយ៉ាងច្រើនកុះករផងដែរ។ បន្ទាប់ពីការចូលរួមមតិពីអធិការនគរបាលក្រុង ស្រុករួចមក។
មតិបូកសរុបទៅកាន់អង្គប្រជុំ លោកឧត្តមសេនីយ៍ត្រី បែន តារា ស្នងការនគរបាលខេត្ត បានផ្សព្វផ្សាយសេចក្តីណែនាំលេខ០១៩ សណន ចុះថ្ងៃទី០៥ កក្កដា ២០១៩ របស់ក្រសួងមហាផ្ទៃ ស្តីពីការគ្រប់គ្រងមន្ត្រីនគរបាលជាតិ ការគ្រប់គ្រងអាវុធជាតិផ្ទុះនិងមធ្យោបាយ និងផ្សព្វផ្សាយសេចក្តីណែនាំលេខ១៧០៩ សជណ របស់ក្រសួងមហាផ្ទៃ ស្តីពីសំណើសុំកិច្ចសហការក្នុងដំណើរការប្រឡងសញ្ញាបត្រមធ្យមសិក្សាទុតិយភូមិ នាសម័យប្រឡងថ្ងៃទី១៩-២០ ខែសីហា ២០១៩។
ទន្ទឹមនោះលោកស្នងការបានសំដែងនូវការកោតសរសើរ និងគាំទ្រលទ្ធផលការងារនាពេលកន្លងមក និងបានលើកឡើងនូវបទពិសោធន៍មួយចំនួន ព្រមទាំងបានដាក់ចេញនូវគោលការណ៍វិធានការណ៍ ការងារសំខាន់ៗមួយចំនួនដើម្បីពង្រឹងសន្តិសុខ សណ្តាប់ធ្នាប់សង្គម ក្នុងការបង្ការបង្ក្រាបបទល្មើសព្រហ្មទណ្ឌ,គ្រឿងញៀន និងក្មេងទំនើង នៅមូលដ្ឋានក្នុងខេត្តឱ្យបានទាន់ពេល ដល់ផែននីមួយៗ អធិការនគរបាលក្រុង ស្រុក និងប៉ុស្តិ៍រដ្ឋបាលទាំង៥ និងបន្តរួមសហការគ្នាជាមួយអាជ្ញាធរ សមត្ថកិច្ចពាក់ពន្ធ័ អនុវត្តន៍ឱ្យបានលទ្ធផលជាវិជ្ជមានបន្តទៀត។
ចុងបញ្ចប់លោកឧត្តមសេនីយ៍ត្រី ស្នងការ បានណែនាំបន្ថែម នូវសាមគ្គីឯកភាពផ្ទៃក្នុងអង្គភាព និងរួមសហការគ្នាក្នុងការងារជំនាញនីមួយៗក្នុងអង្គភាពឱ្យបានល្អបន្តទៀត និងពង្រឹងការប្រចាំការ ប្រចាំបញ្ជាអោយបានគ្រប់ៗអង្គភាពផងដែរ៕
ចំនួនអ្នកទស្សនា
- ថ្ងៃនេះ8281
- ម្សិលមិញ14181
- សប្តាហ៍នេះ8281
- ខែនេះ123431
- ឆ្នាំនេះ123431
- សរុប20565887