ស្លាប់២នាក់ និងកម្មករកម្មារិនី៣១នាក់ទៀត រងរបួសធ្ងន់ស្រាល ក្នុងករណីគ្រោះថ្នាក់ចរាចរណ៍ក្រឡាប់រថយន្ត
30-July-2019 | ដោយ ពលមនសិការ
ស្វាយរៀង៖ កម្មករកម្មាការិនី២នាក់ បានស្លាប់និងកម្មករកម្មារិនី៣១នាក់ទៀតរងរបួសធ្ងន់ស្រាលក្នុងករណីគ្រោះថ្នាក់ចរាចរណ៍ក្រឡាប់រថយន្ត។ ឧបទ្ទវហេតុខាងលើបានកើតឡើងនៅថ្ងៃទី៣០ ខែកក្កដា ឆ្នាំ២០១៩ វេលាម៉ោងប្រហែល០៧និង ១០នាទីព្រឹក នៅភូមិកំពង់រទេះ ឃុំពពែត ស្រុកស្វាយទាប ខេត្តស្វាយរៀង។
សមត្ថកិច្ចបានឱ្យដឹងថារថយន្តបង្កហេតុម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ ភ.ព២AM-៣៤៦២ ដឹកកម្មកររោងចក្រ អ្នកបើកបរឈ្មោះ ខេន សាវៀន ភេទប្រុស អាយុ៣៥ឆ្នាំ មុខរបរបើកបររថយន្តដឹកកម្មកររស់នៅភូមិបាត់ថង់ ឃុំគគីរសោម ស្រុកស្វាយទាប ខេត្តស្វាយរៀង បណ្តាលអោយរងរបួសធ្ងន់ស្រាល៣១នាក់ ក្នុងនោះស្លាប់ចំនួន០២នាក់ (ស្រី០១នាក់)។
សមត្ថកិច្ចបានបន្តថាក្រោយកើតហេតុជនរងគ្រោះកំពុងសម្រាកព្យាបាលនៅមន្ទីរពេទ្យបង្អែកជីភូចំនួន១៧នាក់(ស្លាប់២នាក់) និងបានបញ្ជូនបន្តសម្រាកព្យាបាលនៅមន្ទីរពេទ្យបង្អែកខេត្តស្វាយរៀងចំនួន១៦នាក់។ មូលហេតុ៖រថយន្តប្រើប្រាស់ល្បឿនលឿន ជាន់ហ្វ្រាំងវីរេចង្កូតក្រឡាប់ដោយខ្លួន ៕
ចំនួនអ្នកទស្សនា
- ថ្ងៃនេះ7891
- ម្សិលមិញ14181
- សប្តាហ៍នេះ7891
- ខែនេះ123041
- ឆ្នាំនេះ123041
- សរុប20565497