រថភ្លើងបុករថយន្ត នៅស្រុកដំណាក់ចង្អើរ ម្ចាស់រថយន្តរត់គេចខ្លួន រថភ្លើងបន្តទៅបាត់
31-July-2019 | ដោយ ពលមនសិការ
កែប៖ កាលពីថ្ងៃទី៣០ ខែកក្កដា ឆ្នាំ២០១៩ វេលាម៉ោង២នឹង៥០នាទីរសៀល នៅភូមិចំកាចេក ឃុំពងទឹក ស្រុកដំណាក់ចង្អើរ ខេត្ដកែប មានករណីគ្រោះថ្នាក់ចរាចរណ៍បានកើតឡើងរវាងរថយន្ត និងរថភ្លើង។
សមត្ថកិច្ចបានឱ្យដឹងថាភាគីរថយន្ដម៉ាកនីសាន់ ពណ៌ស ពាក់ស្លាកលេខ KPS-0674 (ចង្កូតស្តាំ) ជារថយន្តរបស់ ក្រុមហ៊ុន អិល អិន អេស ខេ ខនស្ត្រាក់សិន បើកបរពីជើងទៅត្បូងក្រោយកើតហេតុអ្នកបើកបរបានគេចខ្លួនមិនស្គាល់អត្ដសញ្ញាណ។ ចំណែករថភ្លើងដឹកធ្យូងថ្មបើកបរពីលិចទៅកើត ពេលប៉ះរថយន្តហើយមិនបានឈប់ទេ រួចបន្តដំណើរឆ្ពោះទៅស្រុកកំពង់ត្រាច ខេត្តកំពត។
ក្រោយកើតហេតុកម្លាំងជំនាញ បានវាស់វែងយកមករក្សាទុកនៅអធិការដ្ឋានដើម្បីរងចាំការដោះស្រាយតាមនីតិវិធី ៕
ចំនួនអ្នកទស្សនា
- ថ្ងៃនេះ6381
- ម្សិលមិញ14181
- សប្តាហ៍នេះ6381
- ខែនេះ121531
- ឆ្នាំនេះ121531
- សរុប20563987