បុរសម្នាក់បើកបររថយន្តក្នុងស្ថានភាពស្រវឹង បុកម៉ូតូបណ្តាលឱ្យស្លាប់ម្នាក់ របួសធ្ងន់ស្រាល២នាក់
02-August-2019 | ដោយ ពលមនសិការ
ត្បូងឃ្មុំ៖ បុរសម្នាក់បើកបររថយន្តក្នុងស្ថានភាពស្រវឹងជ្រុលទៅបុកម៉ូតូក្នុងទិសដៅបញ្ច្រាស់គ្នា បណ្តាលឱ្យស្លាប់ម្នាក់ និងរបួសធ្ងន់ស្រាល២នាក់។ ឧបទ្ទវហេតុខាងលើកើតឡើងកាលពីយប់ថ្ងៃទី១ ខែសីហា ឆ្នាំ២០១៩ វេលាម៉ោង២១នឹង៣០នាទី លើផ្លូវជាតិលេខ១១ ចន្លោះគីឡូមែតលេខ៧៣-៧៤ នៅភូមិលេខ៥ ឃុំអំពិលតាពក ស្រុកអូរាំងឪ ខេត្តត្បូងឃ្មុំ។
សមត្ថកិច្ចបានឱ្យដឹងថារថយន្តបង្កហេតុម៉ាកតាកូម៉ា ពណ៌ទឹកមាស ពាក់ស្លាកលេខ ភ្នំពេញ2AH-0745 បើកបរដោយឈ្មោះ អ៊ុក សុខណេត ភេទប្រុស អាយុ៣២ឆ្នាំ ជាតិខ្មែរ នៅភូមិស្រែស្ពៃ ឃុំគងជ័យ ស្រុកអូររាំងឪ ខេត្តត្បូងឃ្មុំ(របួសស្រាល)។ ចំណែកភាគីខាងម៉ូតូម៉ាកវ៉េវ ពណ៌ស គ្មានស្លាកលេខ បើកបរដោយឈ្មោះ សាត ម៉ាច ភេទប្រុស អាយុ៤៤ឆ្នាំ ជាតិខ្មែរនៅភូមិលេខ១ ឃុំគងជ័យ ស្រុកអូរាំងឪ ខេត្តត្បូងឃ្មុំ (ស្លាប់នៅកន្លែងកើតហេតុ) ឌុបប្រពន្ធឈ្មោះ ស្រ៊ាន ចាន់ដឿន អាយុ៣៨ឆ្នាំ ជនជាតិខ្មែរ នៅភូមិ-ឃុំជាមួយគ្នា(របួសធ្ងន់)។ អ្នកបើកបរម៉ូតូនិងអ្នករួមដំណើរមិនពាក់មួកសុវត្ថិភាព ។
សមត្ថកិច្ចបន្តថា រថយន្តបើកបរពីត្បូង ទៅជើងក្នុងស្ថានភាពស្រវឹង មកដល់ចំណុចកើតហេតុខាងលើបានទៅបុកម៉ូតូចំពីមុខ ដែលកំពុងបើកបរពីជើងមកត្បូង។ ចំណែកអ្នកបើកបររថយន្តក្រោយពេលកើតហេតុជំនាញបាននាំខ្លួនមកសាកសួរបំភ្លឺ និងចងក្រងសំណុំរឿងតាមនីតិវិធី ៕
ចំនួនអ្នកទស្សនា
- ថ្ងៃនេះ7621
- ម្សិលមិញ14181
- សប្តាហ៍នេះ7621
- ខែនេះ122771
- ឆ្នាំនេះ122771
- សរុប20565227