កម្លាំងសមត្ថកិច្ចចុះបង្ក្រាបល្បែងស៊ីសងខុសច្បាប់តាមប្រព័ន្ធអ៊ីនធើណិត(Game Online) ឃាត់ខ្លួនជនសង្ស័យ៧នាក់
02-August-2019 | ដោយ ពលមនសិការ
សៀមរាប៖ ដោយមានការសម្របសម្រួលនីតិវិធីដោយលោក រៀម ច័ន្ទម្នី ព្រះរាជអាជ្ញារងអមសាលាដំបូងខេត្តសៀមរាប កម្លាំងការិយាល័យស៊ើបអង្កេត និងអនុវត្តនីតិវិធីសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់ស្វាយដង្គំ បង្ក្រាបទីតាំងបើកល្បែងស៊ីសងខុសច្បាប់តាមប្រព័ន្ធអ៊ីនធើណិត មួយកន្លែងនៅផ្ទះលេខ១៧ ផ្លូវ៨ បុរីដឹព្រីមៀភែលេស ភូមិគ្រួស សង្កាត់ស្វាយដង្គំ ក្រុង/ខេត្តសៀមរាប ឃាត់ខ្លួនជនសង្ស័យជនជាតិចិនចំនួន០៧នាក់ នាវេលាម៉ោង១៦នឹង៣០នាទី ថ្ងៃទី១ ខែសីហា ឆ្នាំ២០១៩។
ជនសង្ស័យទាំង០៧នាក់រួមមាន៖១-ឈ្មោះ ZHU QINZE ភេទប្រុស កើតថ្ងៃទី១១-០៣-១៩៨៨ ជនជាតិចិន។
២-ឈ្មោះ NIU WENPENG ភេទប្រុស កើតថ្ងៃទី១៩-០៤-១៩៩២ ជនជាតិចិន។
៣-ឈ្មោះ FENG GUIWEI ភេទប្រុស កើតថ្ងៃទី២២-១២-១៩៩០ ជនជាតិចិន។
៤-ឈ្មោះ HU JIASONG ភេទប្រុស កើតថ្ងៃទី១៧-០៨-១៩៩៦ ជនជាតិចិន។
៥-ឈ្មោះ WU ZHAN ភេទប្រុស កើតថ្ងៃទី៣០-០៦-១៩៩០ ជនជាតិចិន។
៦-ឈ្មោះ GUO YONGQIANG ភេទប្រុស កើតថ្ងៃទី២០-០៤-១៩៩៣ ជនជាតិចិន។
៧-ឈ្មោះ OU KUNPING ភេទប្រុស កើតថ្ងៃទី២៤-០២-១៩៧៨ ជនជាតិចិន។
ដកហូតវត្ថុតាង៖ កុំព្យូទ័រយួដៃ ចំនួន ០៥គ្រឿង, ទូរស័ព្ទដៃ ចំនួន១៥គ្រឿង, ម៉ូឌឹមwifi ចំនួន០៣គ្រឿង, ស៊ីមកាត មួយចំនួន រួមនឹងវត្ថុតាងសម្ភារៈមួយចំនួនទៀត។
បច្ចុប្បន្នជនសង្ស័យទាំង០៧នាក់ កំពុងសាកសួរនៅការិយាល័យស៊ើបអង្កេតនិងអនុវត្តនីតិវិធីនៃស្នងការដ្ឋាននគរបាលខេត្តសៀមរាប ៕
ចំនួនអ្នកទស្សនា
- ថ្ងៃនេះ8911
- ម្សិលមិញ14181
- សប្តាហ៍នេះ8911
- ខែនេះ124061
- ឆ្នាំនេះ124061
- សរុប20566517