លោកស្នងការនគរបាលខេត្តព្រៃវែង ដឹកនាំប្រជុំស្ដីពីការបូកសរុបលទ្ធផលកិច្ចប្រតិ្តការ ប្រចាំខែកក្កដា
06-August-2019 | ដោយ ពលមនសិការ
ព្រៃវែង៖ ព្រឹកថ្ងៃទី០៦ ខែសីហា ឆ្នាំ២០១៩ នៅសាលប្រជុំនៃស្នងការដ្ឋាននគរបាលខេត្តព្រៃវែង លោកឧត្តមសេនីយ៍ត្រី ព្រុំ សន្ធរ ស្នងការនគរបាលខេត្តព្រៃវែង បានដឹកនាំកិច្ចប្រជុំបូកសរុបសភាពការណ៍ លទ្ធផលកិច្ចប្រតិបត្តិការរក្សាសន្តិសុខសង្គម ការងារនគរបាល និងសហគមន៍ ប្រចាំខែកក្កដា និងលើកទិសដៅអនុវត្តការងារខែសីហា ឆ្នាំ២០១៩ ដោយមានការអញ្ជើញចូលរួមពី លោក លោកស្រី ស្នងការរង លោកអនុប្រធានផែន លោក លោកស្រីនាយ ការិយាល័យជំនាញ លោកអធិការ អធិការរងក្រុង ស្រុកទាំង១៣ និងលោកនាយប៉ុស្តិ៍នគរបាលរដ្ឋបាលទាំង១១៦ ។
ក្នុងកិច្ចប្រជុំនោះដែរ លោកឧត្តមស្នងការ បានក្រើនរំលឹកដល់គណៈស្នងការ ការិយាល័យជំនាញ អធិការនគរបាលក្រុងស្រុក ទាំង១៣ ប៉ុស្តិ៍នគរបាលរដ្ឋបាលទាំង១១៦ ត្រូវប្រមូលផ្តុំកម្លាំងប្រចាំបញ្ជា កម្លាំងត្រៀមអន្តរាគមន៍ នៅតាមអង្គភាពនីមួយៗ ដើម្បីឆ្លើយតបដល់ការសំណូមពរចាំបាច់របស់ប្រជាពលរដ្ឋ។ ទន្ទឹមនឹងនោះ ក៏ត្រូវបង្កើនវិធានការល្បាតត្រួតពិនិត្យតាមបណ្តាគោលដៅសំខាន់ៗ ងាយរងគ្រោះ ទប់ស្កាត់បទល្មើសផ្សេងៗក្នុងមូលដ្ឋាន ជាពិសេសបទល្មើសដែលធ្វើឱ្យប៉ះពាល់ដល់សតិអារម្មណ៍ប្រជាពលរដ្ឋ និងចូលរួមអនុវត្តផ្សព្វផ្សាយនូវគោលនយោបាយ ភូមិ ឃុំ មានសុវត្តិភាព ដើម្បីកាត់បន្ថយបទល្មើសនៅតាមមូលដ្ឋាន ក្នុងខេត្តព្រៃវែងទាំងមូល។
ជាចុងក្រោយលោកឧត្តមសេនីយ៍ស្នងការ ដាក់បទបញ្ជាដល់មន្រី្តនគរបាលទាំងអស់ នូវចំណុចសំខាន់ៗ៖
១-អ្នកធ្វើដំណើតាមមធ្យោបាយម៉ូតូ ត្រូវពាក់មួកសុវត្តិភាព មានកញ្ចក់មើលក្រោយ និងមានស្លាកលេខ
២-ចំពោះអ្នកបើកបររថយន្តត្រូវពាក់ខ្សែក្រវ៉ាត់សុវត្ថិភាព គឺដើម្បីការពារអាយុជីវិតខ្លួនអ្នក និងក្រុមគ្រួសាររបស់អ្នក
៣.គោរពពេលវេលាម៉ោងធ្វើការនិងស្លៀកពាក់ឯកសណ្ឋានអោយបានត្រឹមត្រូវតាមរបបដែលបានកំណត់ ៕
ចំនួនអ្នកទស្សនា
- ថ្ងៃនេះ4711
- ម្សិលមិញ14181
- សប្តាហ៍នេះ4711
- ខែនេះ119861
- ឆ្នាំនេះ119861
- សរុប20562317