កម្លាំងនគរបាលព្រហ្មទណ្ឌ បញ្ជូនជនសង្ស័យ៩នាក់ ទៅតុលាការ ពាក់ព័ន្ធករណីបើកកន្លែងលេងល្បែងស៊ីសងខុសច្បាប់
06-August-2019 | ដោយ ពលមនសិការ
ភ្នំពេញ៖ កម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បញ្ជូនជនសង្ស័យ៩នាក់ ទៅតុលាការដើម្បីបន្តនីតិវិធី ពាក់ព័ន្ធករណីបើកកន្លែងលេងល្បែងស៊ីសងខុសច្បាប់ និងលេងល្បែងស៊ីសងខុសច្បាប់ (ចាក់ភ្នាល់មាន់ជល់ផ្សាយផ្ទាល់តាមទូរទស្សន៍) នៅថ្ងៃទី៦ ខែសីហា ឆ្នាំ២០១៩។
លោកវរសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកំរិតស្រាល នៃស្នងការដ្ឋាននគរបាលករាជធានីភ្នំពេញ បានឱ្យដឹងថា កាលពីថ្ងៃទី០៤ ខែសីហា ឆ្នាំ២០១៩ កម្លាំងការិយាល័យជំនាញ សហការជាមួយកម្លាំងប៉ុស្តិ៍នគរបាលរដ្ឋបាលអូរបែកក្អម បង្ក្រាបក្នុងបទល្មើសជាក់ស្តែងទីតាំងបើកកន្លែងលេងល្បែងស៊ីសងខុសច្បាប់ និងលេងល្បែងស៊ីសងខុសច្បាប់ (ចាក់ភ្នាល់មាន់ជល់ផ្សាយផ្ទាល់តាមទូរទស្សន៍) ប្រព្រឹត្តនៅចំណុចហាងកាហ្វេ ផ្ទះលេខ៤៧៣ ផ្លូវលំ ភូមិស្លែងរលើង សង្កាត់អូរបែកក្អម ខណ្ឌសែនសុខ រាជធានីភ្នំពេញឃាត់ខ្លួនមនុស្សចំនួន០៩ នាក់ និងចាប់យកបានវត្ថុតាង បញ្ជូនមកការិយាល័យចាត់ការតាមនីតិវិធី។
លោកនាយការិយាល័យបន្តថាជនសង្ស័យទាំង៩នាក់រួមមាន៖
១-ឈ្មោះ ប៊ុន ខេត ភេទប្រុស អាយុ៥៦ឆ្នាំ ជនជាតិខ្មែរ មុខរបរ ម្ចាស់ទីតាំងលក់កាហ្វេ ស្នាក់នៅផ្ទះលេខ៤៧៣ ផ្លូវលំ ភូមិស្លែងរលើង សង្កាត់អូរបែកក្អម ខណ្ឌសែនសុខ។
២-ឈ្មោះ ងន គង់ ហៅចិន ភេទប្រុស អាយុ៤៤ឆ្នាំ ជនជាតិ ខ្មែរ មុខរបរដឹកឥវ៉ាន់អនឡាញ ស្នាក់នៅផ្ទះមិនចាំលេខ ផ្លូវបេតុង ភូមិទួលពង្រ សង្កាត់ចោមចៅ១ ខណ្ឌពោធិ៍សែនជ័យ។
៣-ឈ្មោះ ផង់ សុភក្តី ហៅភាក់ ភេទប្រុស អាយុ៥២ឆ្នាំ ជនជាតិខ្មែរ មុខរបរលក់ដូរ ស្នាក់នៅផ្ទះលេខ២០អាស្ទួន ផ្លូវលំ ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ។
៤-ឈ្មោះ ឌុច ចាន់សុភ័ស ភេទប្រុស អាយុ២៥ឆ្នាំ ជនជាតិ ខ្មែរ មុខរបររត់ម៉ូតូឌុប ស្នាក់នៅផ្ទះជួល ផ្លូវលំ សង្កាត់អូរបែកក្អម ខណ្ឌសែនសុខ។
៥-ឈ្មោះ ឌុច ចាន់សុភ័ក្ត្រ ហៅគោ ភេទប្រុស អាយុ២៧ ឆ្នាំ ជនជាតិខ្មែរ មុខរបររត់ម៉ូតូឌុប ស្នាក់នៅផ្ទះជួល ផ្លូវលំ សង្កាត់អូរបែកក្អម ខណ្ឌសែនសុខ។
៦-ឈ្មោះ លាង ណាង ភេទប្រុស អាយុ៣៩ឆ្នាំ ជនជាតិ ខ្មែរ មុខរបរលក់ដូរ ស្នាក់នៅផ្ទះជួល ផ្លូវលំ សង្កាត់អូរបែកក្អម ខណ្ឌសែនសុខ។
៧-ឈ្មោះ សាន តូម៉ា ភេទប្រុស អាយុ៣៩ឆ្នាំ ជនជាតិខ្មែរ មុខរបររត់ម៉ូតូរ៉ឺម៉កកង់បី ស្នាក់នៅផ្ទះជួល ផ្លូវលំ សង្កាត់អូរបែកក្អម ខណ្ឌសែនសុខ។
៨-ឈ្មោះ ណន ហ៊ន់ ភេទប្រុស អាយុ៣១ឆ្នាំ ជនជាតិខ្មែរ មុខរបរកម្មកររោងចក្រ ស្នាក់នៅផ្ទះលេខ១៨៣ ឃុំល្វេ ស្រុកស៊ីធរកណ្តាល ខេត្តព្រៃវែង។
៩-ឈ្មោះ ចាន់ វាសនា ភេទប្រុស អាយុ៣៦ឆ្នាំ ជនជាតិ ខ្មែរ មុខរបរសន្តិសុខ ស្នាក់នៅផ្ទះជួល ផ្លូវលំ សង្កាត់អូរបែកក្អម ខណ្ឌសែនសុខ។
វត្ថុតាងចាប់យកៈ ទូរទស្សន៍ម៉ាកប៉ាណាសូនិច ពណ៌ខ្មៅ ទំហំ៤២អ៊ីង ចំនួន០១ គ្រឿង, ដុំស្កាយវ័នDTH០០១ ចំនួន ០១គ្រឿង, ដុំTVHDCambodia ពណ៌ខ្មៅ ចំនួន០១គ្រឿង ,រ៉ោតទ័រម៉ាក TPLINK ពណ៌ស ចំនួន០១គ្រឿង ៕
ចំនួនអ្នកទស្សនា
- ថ្ងៃនេះ5091
- ម្សិលមិញ14181
- សប្តាហ៍នេះ5091
- ខែនេះ120241
- ឆ្នាំនេះ120241
- សរុប20562697