នគរបាលគ្រឿងញៀន បញ្ជូនជនសង្ស័យ ៣នាក់ទៅតុលាការខេត្ត
07-August-2019 | ដោយ ពលមនសិការ
សៀមរាប៖ កាលពីថ្ងៃទី០៥ ខែសីហា ឆ្នាំ២០១៩ វេលាម៉ោង១៥និង៣០នាទី កម្លាំងការិយាល័យប្រឆាំងគ្រឿងញៀន សហការជាមួយកម្លាំងអធិការដ្ឋាននគរបាលស្រុកជីក្រែង និងកម្លាំងប៉ុស្តិ៍នគរបាលរដ្ឋបាលសង្កាត់គោកចកនៃអធិការក្រុងសៀមរាប បង្ក្រាបបទចាត់ចែងនិងប្រើប្រាស់ដោយខុសច្បាប់នូវសារធាតុញៀននៅ ចំណុចភូមិជ្រៃ ឃុំខ្វាវ ស្រុកជីក្រែង និងនៅលំនៅដ្ឋានស្ថិតក្នុងភូមិខ្វៀន សង្កាត់គោកចក ក្រុងខេត្តសៀមរាប កម្លាំងជំនាញឃាត់ខ្លួនជនសង្ស័យចំនួន ០៤នាក់។
សមត្ថកិច្ចបានឱ្យដឹងថាជនសង្ស័យទី១-ឈ្មោះ នឹម សំនៀង ហៅតា ភេទប្រុស ឆ្នាំកំណើត១៩៩៤ ជនជាតិខ្មែរ នៅភូមិខ្វៀន សង្កាត់គោកចក ក្រុង/ខេត្តសៀមរាប, ទី២-ឈ្មោះ សឿន សុវណ្ណ ភេទប្រុស ឆ្នាំកំណើត១៩៨៤ ជនជាតិខ្មែរ ទីលំនៅភូមិខ្វៀន សង្កាត់គោកចក ក្រុង/ខេត្តសៀមរាប, ទី៣- ឈ្មោះ សែម ស៊ីមហុង ភេទប្រុស ឆ្នាំកំណើត១៩៩២ ជនជាតិខ្មែរ ទីលំនៅភូមិខ្វៀន សង្កាត់គោកចក ក្រុង/ខេត្តសៀមរាប ទី៤-ឈ្មោះ វ៉ាន់ ក្រឹម ភេទប្រុស ឆ្នាំកំណើត១៩៨៧ ជនជាតិខ្មែរ ទីលំនៅភូមិជ្រៃ ឃុំខ្វាវ ស្រុកជីក្រែង ខេត្តសៀមរាប។
នគរបាលជំនាញដកហូតវត្ថុតាងមាន ម្សៅមេតំហ្វេតាមីនចំនួន ០១កញ្ចប់ ស្មើនឹងទំងន់ ០.០១ ក្រាមទាំងសំបក ឧបករណ៍ប្រើប្រាស់គ្រឿងញៀនមួយចំនួន និងទូរស័ព្ទដៃ ចំនួន០២គ្រឿង។ ជនសង្ស័យទាំង៣នាក់ត្រូវបានកម្លាំងសមត្ថកិច្ចបញ្ជូនខ្លួនទៅសាលាដំបូងខេត្ត ដើម្បីចាត់ការតាមនីតិវិធីច្បាប់កាលពីល្ងាចថ្ងៃទី០៦ ខែសីហា ឆ្នាំ២០១៩៕
ចំនួនអ្នកទស្សនា
- ថ្ងៃនេះ4781
- ម្សិលមិញ14181
- សប្តាហ៍នេះ4781
- ខែនេះ119931
- ឆ្នាំនេះ119931
- សរុប20562387