កម្លាំងនគរបាលខណ្ឌមានជ័យ ឃាត់ខ្លួនជនសង្ស័យម្នាក់ ពាក់ព័ន្ធករណីលួចម៉ូតូ
08-August-2019 | ដោយ ពលមនសិការ
ភ្នំពេញ៖ កម្លាំងនគរបាលខណ្ឌមានជ័យឃាត់ខ្លួនជនសង្ស័យម្នាក់ ពាក់ព័ន្ធករណីលួចម៉ូតូមួយគ្រឿងម៉ាកនិចកាលពីថ្ងៃទី០៧ ខែសីហា ឆ្នាំ២០១៩ វេលាម៉ោង១៩នឹង៣០នាទី នៅចំណុចក្រោមស្ពានអាកាសស្ទឹងមានជ័យ មុខផ្ទះលេខB៨៣ ផ្លូវ២៧១ ភូមិមានជ័យ១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។
សមត្ថកិច្ចបានឱ្យដឹងថាជនសង្ស័យឈ្មោះ អ៊ូ គឹមស្រៀង ភេទប្រុស អាយុ២០ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ ភូមិមានជ័យ១ សង្កាត់ស្ទឹងមានជ័យទី១ ខណ្ឌ មានជ័យ រាជធានីភ្នំពេញ មុខរបរមិនពិតប្រាកដ (ឃាត់ខ្លួនមានផ្ទុកសារធាតុញៀន)។ ចំណែកជនរងគ្រោះឈ្មោះ មាស ស៊ីនួន ភេទស្រី អាយុ២២ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ ភូមិត្នោតជ្រុំ សង្កាត់បឹងទំពន់ទី២ ខណ្ឌមានជ័យ រាជធានី ភ្នំពេញ មុខរបរបុគ្គលិកហាងយីហោស្ពែកប័រហ្គ័រ។
វត្ថុតាងចាប់យក៖ ម៉ូតូមួយគ្រឿងម៉ាកនិច ពណ៌ក្រហម ផលិតឆ្នាំ២០១៤ លេខតួ៣០១២២១,លេខម៉ាស៊ី៣០១២៣២ ពាក់ស្លាកលេខ ភ្នំពេញ 1CB-3619 (ជារបស់ជនរងគ្រោះឈ្មោះ មាស ស៊ីនួន ) និងសោរទីបលេខ៨មានរុំស្កុតខ្មៅ ចំនួន០១(ជារបស់ជនសង្ស័យឈ្មោះ អ៊ូ គឹមស្រៀង) ។
សមត្ថកិច្ចបន្តថាមុនពេលកើតហេតុកាលពីថ្ងៃទី០៧ ខែសីហា ឆ្នាំ២០១៩ វេលាម៉ោង១៩នឹង៣០នាទី ជនរងគ្រោះឈ្មោះ មាស ស៊ីនួន បានជិះម៉ូតូមួយគ្រឿងម៉ាកនិច ពណ៌ក្រហម ផលិត២០១៤ ពាក់ស្លាកលេខ ភ្នំពេញ 1CB-3619 មកលេងផ្ទះបងប្រុសឈ្មោះ មាស វិឆៃ នៅក្រោមស្ពានអាកាសស្ទឹងមានជ័យ ផ្ទះលេខB៨៣ ផ្លូវ២៧១ ភូមិមានជ័យ១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ (ចំណុចកើតហេតុ) ពេលមកដល់ជនរងគ្រោះឈ្មោះ មាស ស៊ីនួន បានចាក់សោរកម៉ូតូចតទុកនៅមុខផ្ទះ រួចចូលទៅក្នុងផ្ទះអង្គុយលេងពេលនោះជនសង្ស័យឈ្មោះ អ៊ូ គឹមស្រៀង បានដើរមកធ្វើសកម្មភាពយកដែកចុងស្រួចកាច់សោរកម៉ូតូរបស់ជនរងគ្រោះបញ្ឆេះជិះគេចខ្លួន តែជនរងគ្រោះឈ្មោះ មាស ស៊ីនួន បានចេញមកឃើញទាន់ក៏បានស្រែកឆោឡោឡើងទន្ទឹងមនោះកម្លាំងល្បាតនគរបាលប៉ុស្តិ៍ស្ទឹងមានជ័យទី១ បានដេញចាប់ឃាត់ខ្លួនជនសង្ស័យឈ្មោះ អ៊ូ គឹមស្រៀង យកមកសាកសួរនៅស្នាក់ការនគរបាលប៉ុស្តិ៍ស្ទឹងមានជ័យទី១តែម្តង។
បច្ចុប្បន្នជនសង្ស័យឈ្មោះ អ៊ូ គឹមស្រៀង ឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី ៕
ចំនួនអ្នកទស្សនា
- ថ្ងៃនេះ4481
- ម្សិលមិញ14181
- សប្តាហ៍នេះ4481
- ខែនេះ119631
- ឆ្នាំនេះ119631
- សរុប20562087