កម្លាំងនគរបាលប៉ុស្តិ៍រដ្ឋបាលទឹកថ្លា ឃាត់ខ្លួនជនសង្ស័យម្នាក់ ពាក់ព័ន្ធករណីប៉ុនប៉ងឃាតកម្ម
08-August-2019 | ដោយ ពលមនសិការ
ភ្នំពេញ៖ កម្លាំងនគរបាលប៉ុស្តិ៍រដ្ឋបាលទឹកថ្លា ឃាត់ខ្លួនជនសង្ស័យម្នាក់ ពាក់ព័ន្ធករណីប៉ុនប៉ងឃាតកម្មបង្កឡើងដោយសហព័ទ្ធ(ប្តីប្រើអាវុធខ្លីបាញ់ប្រពន្ធ)។ ហេតុការណ៍ខាងលើបានកើតឡើងកាលពីថ្ងៃទី៧ ខែសីហា ឆ្នាំ២០១៩ វេលាម៉ោង២៣និង៤០នាទី នៅចំណុចតាមផ្លូវលំ ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ។
លោកវរសេនីយ៍ហ៊ួរ ម៉េងវ៉ាង អធិការនគរបាលខណ្ឌបានឱ្យដឹងថាជនសង្ស័យឈ្មោះ ឆោម ចំណាន ភេទប្រុស អាយុ៣៩ឆ្នាំ ជនជាតិខ្មែរ មុខរបរយោធា(ខេមរភូមិន្ទភូមិភាគ) ស្នាក់នៅភូមិសាលាដែង ឃុំឫស្សីក្រោក ស្រុកមង្គលបូរី ខេតបាត់ដំបង។
ចំណែកជនរងគ្រោះឈ្មោះ ជា បតី (ជា គឹមឡាង) ភេទស្រី អាយុ៣៥ឆ្នាំ ជនជាតិខ្មែរ មុខរបរលក់ខោអាវនៅផ្សារចិនណាន់ ស្នាក់នៅផ្ទះគ្មានលេខ ផ្លូវបេតុង ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ(របួសដើមដៃខាងឆ្វេង, ពោះទឹកខាងឆ្វេង, លើស្មាខាងស្តាំ, លើពោះទឹកខាងស្តាំ)។ សម្ភារៈបន្សល់ទុក៖ អាវុធខ្លី០១ដើម ម៉ាកK59 លេខ២៤០៣ , សំបកគ្រាប់០៧គ្រាប់, ក្បាលគ្រាប់០១គ្រាប់។
លោកអធិការបន្តថា មុនពេលកើតហេតុ ជនសង្ស័យ(ជាប្តី) បានទូរស័ព្ទហៅជនរងគ្រោះ(ជាប្រពន្ធ) មកជួបខ្លួននៅចំណុចកើតហេតុខាងលើ ពេលជនរងគ្រោះមកដល់ជនសង្ស័យបានដើរទៅរថយន្តរបស់ខ្លួនយកកាំភ្លើងខ្លីK59 ពីក្នុងរថយន្តអាមេបញ្ចូលគ្រាប់ បាញ់សំដៅទៅលើជនរងគ្រោះចំនួន០៧គ្រាប់ តែត្រូវជនជរងចំនួន០៤គ្រាប់ បណ្តាលឲ្យរងរបួសធ្ងន់ ហើយត្រូវបានបញ្ជូនព្យាបាលនៅមន្ទីរពេទ្យកាល់ឡាម៉ែត្រ បន្ទាប់ជនសង្ស័យបានឡើងបើករថយន្តគេចខ្លួន តែត្រូវកម្លាំងល្បាតរបស់អធិការដ្ឋាននគរបាលខណ្ឌសែនសុខឃើញហេតុការណ៍ ដេញតាមចាប់បានជនសង្ស័យ យកមកសាកសួរនៅអធិការដ្ឋាននគរបាលខណ្ឌសែនសុខ។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕
ចំនួនអ្នកទស្សនា
- ថ្ងៃនេះ4341
- ម្សិលមិញ14181
- សប្តាហ៍នេះ4341
- ខែនេះ119491
- ឆ្នាំនេះ119491
- សរុប20561947